上回講到，我地去完夢時代玩完摩天輪之後，因為Ａ先生肚子痛，所以要先返酒店。
在捷運站看見這個「些份仔」（７－１１仔），是台灣７－１１的吉祥物。
Ｂ小姐超喜愛他呢，覺得佢地好可愛，望住佢地就會想笑。
就連夢時代都有部車係以佢地為主題的！
返到中央公園站，我地改行內街，逛下新堀江商圈。
途經這間文具店，真令我大開眼界．．．
文具店原來可以咁大．．．香港真係搵唔到！
新堀江內街原來真係好多野睇的，衫褲鞋物飾物樣樣齊
想食好野？依度應該滿足到你，各式各樣的餐廳都有，要貴價的西餐有，要廉價的牛肉麵﹑雞肉飯，十幾蚊碗都有，可惜我們留在高雄的時間太少．．．冇機會試添！
然後給我找到了Ｃｒｏｗｎ的分店，一下子掃了很多甜品回家
首先出場係布丁，原味同咖啡味。
買ｏ黎係為左止「依蕾特癮」（唔知依蕾特係咩？去Day7就會見到了～）
但係...佢地o既味道差天共地！
食過依蕾特之後，我覺得依兩杯超難食～＿～
這個泡芙，很鬆脆，吉士忌廉亦很軟滑
不過太大舊了，吃得非常狼狽，好在冇被拍下食相
至於隔離個朱古力慕絲ｃａｋｅ．．．唔好提了，嗚嘩
我放左入雪櫃唔記得帶走
食完，抖完，我地再戰高雄！
今晚去瑞豐夜市，對香港人來說比較陌生的名字，但是對台灣人來說一點也不陌生
瑞豐夜市，就好像嘉義的嘉樂福夜市，是當地人常去的夜市。
對面馬路，已看見人頭湧湧
適逢假期，瑞豐夜市超多人，迫到行唔到！因為台灣很重視除夕，所以國定一連放四日假，真好．．．
港式篤魚旦？
心血來潮，點了一客蚵仔煎，但是給那個醬汁破壞了
依度似唔似年三十晚維園呀？ＸＤ
我要鄭重向各位推介，這個椒鹽脆皮烤翅，即叫即烤。
我們耐心等待雞翼由啡色變香脆金黃色，再給洒上味粉，真係好好味。
這個可樂餅，以為入面有可樂，吃下去覺得和可樂完全拉不上任何關係
我估大概是取其音，可樂可樂，食左會很快樂卦
下圖果位姐姐，應該係真人示範這「可樂餅」的威力
有冇咁好食呀．．．？我們很懷疑
於是，我們就買了一盒，原味可樂餅。加埋沙律醬同埋紫菜碎，都幾好味o既～
感覺同六合夜市的炸芝士幾似。
小籠包呀＞ｖ＜ 是Ｂ小姐和Ａ先生的最愛
一籠籠即叫即蒸
上海小籠包，唔記得幾多錢了，只記得幾好味同很抵食呢～
一籠１０隻，食到我地好飽
這種珍珠色彩繽紛，很想試試它的味道呢
這兒有拍賣區，人多很熱鬧
釣魚遊戲，還會旋轉的，好開心啊．．．
這個夜市有許多香港進佔的小食，除了咖哩魚旦外，仲有．．．
大良炸鮮奶
同埋長洲有得食的旋轉薯塔，都能在此搵到！
行下行下，我們被一檔名叫「傷心雞排」的食檔吸引過去
有幾傷心呀？
原來除了傷心，還有快樂雞排的。我們問：「有甚麼分別？」
分別就在這片青檸和洋蔥，令人聯想起心酸和眼淚
我們來一客傷心雞排，我只吃了一小塊，其餘的就給號稱雞肉皇的Ａ先生消滅了
味道幾特別的，好味得令人沒有傷心的感覺
幾經辛苦才找到的白糖粿，旅遊書的形容詞吸引我去試，結果也冇令我失望
甜甜地，煙煙韌韌，ＮＴ１０好抵食
這個鳳梨酥形狀幾特別喎，哈
食飽飽，當然要睇下遊樂區有咩玩啦～
童夢投球，要投中已經難，仲要過三關？
我們一起玩了個成人區，板都未掂到就掉下來了
這個是同空氣槍彈波波上去，中一行便有獎，有趣有趣
瑞豐有幾檔套圈圈遊戲，把木圈拋出，拋中便有獎。
Ｂ小姐蠢蠢欲動，很想大顯身手，測試一下運氣
結果呢？有ｄ拋過埋ｄ獎品跌去後面，有ｄ拋左過隔離檔口
二十個，冇個中
其實ｄ獎品．．．真係好唔吸引架
我和Ａ先生都幾鍾意瑞豐夜市，喜歡其多元化同夠大～
瑞豐夜市
地址：高雄市左營區裕誠路和南屏路段
營業時間：一般為１８００－０１００
休息：逢星期一及星期三
前往方法：高雄捷運Ｒ１巨蛋站１號出口沿裕誠路各中華路方向徒步３分鐘
（明天會帶大家去西子灣，待續．．．）
下一篇
