經過長途跋涉之後, 終於嚟到第一間Resort - Amari Addu Maldives (舊名: Herathera Island Resort),
嚟緊3晚都會入住依度。
到咗碼頭, 已經感受到馬爾代夫嘅渡假氣氛,
Amari 嘅職員一個個咁排排企歡迎我地。
在馬爾代夫的旅程中, 經常有人派冰毛巾, 帶有淡淡的香茅味, 用來抹下手腳當堂爽晒~
派完毛巾之後就派凍果汁, 透心涼呀!
地下都係用沙舖滿, 感覺好特別呢~
到達lobby, 見到超多小食! 係Amari嘅熱情款待~
其實我已經好肚餓了! 馬爾代夫同香港有3個鐘時差, 果度10:30pm, 香港時間其實已經凌晨1:30am......
除左4點幾食過飛機餐之外, 就冇咩點食過嘢...拿拿臨放一兩件入口先!
坐左陣, 大家互相派發卡片, 職員就分發鎖匙。
究竟係兩個人一間房定係每人一間房呢? 好緊張呀!
登登登登! 原來係自己一間房呀, 嘻嘻~
條鎖匙係用原木造, 我嘅房號係308:)
個lobby唔係好大, 不過我都影多幾張相俾大家睇~
職員用高球車載我地去自己間房, 夜媽媽咁黑, 都咪話唔驚......
不過我唔係驚有鬼, 係驚有蛇蟲鼠蟻, 尤其係四腳蛇
入到房, 職員已經幫到我開左燈
我第一聲就係「嘩!~~間房好大呀!」
雖然之前有住過Villa, 但係第一次住咁大間房 (雖然我知一山還有一山高, 只係小女子孤陋寡聞)
勁大張床, 隔離有張梳化仔同茶几
另一邊有張書枱
開埋後面d燈, 係衣帽間, 同埋通往洗手間嘅門
洗手間係半開放式, 馬桶冇門, 出面花灑沐位都係半露天, 令我感覺到咩係與大自然融合!
基本沐浴品俱備, 提提大家, 馬爾代夫係環保國家, 就算5星Villa都未必提供牙刷架, 所以記得自備喇, B小姐都瀨左嘢@@
出面有個Jacuzzi, 曾經意圖或企圖浸下, 不過原來係壞架...
可能啱啱轉手, 所以d設施要維修啦, 真係可惜!
茶水間
強力電筒, 依個好有用呢~
電影好似細左d, 頻道唔太多, 同埋好多台都有雪花
安頓好之後, 我地就出去食晚飯~
因為太黑了, 所以d相影得唔好><
餐廳距離房間其實唔遠, 行過去10分鐘左右
都係自助餐形式, 不過種類其少, 自要得兩張長枱, 一張放飯﹑意粉﹑肉類﹑湯, 一張放沙律, 印象中好似冇喇~
日日都係食差唔多嘅野, 其實我冇咩所謂嘅, 有得食就得, 因為我唔係嚟玩, 但係我好好奇之後住客係咪都係食依d呢?
至於味道呢...我冇特別提, 即係冇乜特別啦~
餐飯食左一粒鐘, 同人傾傾下計d時間咁就過咗~
餐廳外有個泳池, 據知resort入面總共有3個泳池, 聽日會帶我地去~
在香港, 和家人擠迫在狹小空間, 晚晚都
瞓得唔好; 喺依度, 終於可以大覺瞓, 瞓醒仲係精神爽利呢!
下一篇
馬爾代夫出差記@Day2.1 早晨的 Amari Addu Maldives
好想去^^
回覆刪除