台東之旅@Day3.3 - 宜蘭伯朗咖啡館

最後導遊帶我地去左伯朗咖啡館，「唔係下嘛？去咖啡館？@@」
聽聞山上風景好靚，係影相嘅好地方。

原來伯朗咖啡館係一座城堡，對面仲有一座風車，城堡頂有個觀景臺，可以遠眺龜山島同埋外澳海水浴場嘅景色。

我地買左杯咖啡嘆下，飲完就周圍影下相，就嚟天黑喇。

依度附近有個「外澳飛行傘基地」，天氣好時會有好多人在玩滑翔傘，由山頂飛落山腳。

外澳海水浴場

對面海中心果個就係龜山島喇

風景的確幾靚嘅，依度係外澳區，由依度出返台北大概一個半小時左右，但我地塞車，用多一小時才出到台北市中心。