Day3 (2009-9-20)
玩完Day Tour, 司機Ronie車我地去Charlotte Resort check-in。
4點幾就到,比原定時間早左好多^^
我地入住二樓中後的203號房間,景致一流!
雖然有點舊,不過我們都頗喜歡這裡的簡潔。
Charlotte Resort又名「韓國小白屋」, 因為是由韓國人經營的。整間Resort得8間房, 戶戶向海。雖然陳設簡單,
絕不能與大酒店媲美, 不過簡樸的風情跟Alona Beach不謀而合, 是一個relax的好地方~韓國人養了幾隻狗, 佢地好有人性,
每次一見我地返o黎就會跑埋o黎歡迎我地, 佢地生o既小狗狗仲好得意tim~~
一入屋就被海景吸引著
沒有多餘的電子產品,只有一個雪櫃,一眼望晒
露台望出去便是大海
坐在這裡聊天確是很捨意
由於我們的Resort位於Alona Beach的西面畫頭,所以這裡很寧靜,沒有太多遊人走來走去。晚上只聽到海浪聲。
Alona Beach沿海有許多不同特色的餐廳,好似赤柱咁
只要將價錢除六,就是港幣價錢了,這個環境實在不貴!
這裡海鮮最出名!大部份餐廳都會放晒d海鮮出o黎俾你揀。
沙灘上所有餐廳都是「向海南」,在這裡用餐感覺一流,食物都零舍好味!
試過在沙灘上按摩未?來Alona Beach就有機會試到。
走在沙灘上,好多按摩姐姐會走埋o黎兜客,價錢不貴的,若有幫襯按摩姐姐就會鋪一張沙灘蔗,即夕為你按摩。若怕羞不想俾人眼望望,亦可加錢叫佢到你酒店幫你按的。相中的男人好像剛剛被按完,一身鬆晒~:D
其實都唔少人幫襯架
最後我們挑選了這家餐廳晚膳 (Jasz Bar and Restaurant)
位置在Pramid Resort & Hayaha Resort中間
入夜後氣氛更好
為甚麼不坐沙灘?因為當日好大風,我們不想用"沙"做調味料,所以稍移玉步樓上雅座
這隻泥蟹係我地揀架,最精靈生猛就係佢,果然不負所望,肉質鮮甜爽口,食過翻尋味!
這四隻大蝦又是我們親自嚴選的!用蒜蓉+洋蔥燒,個汁好味,蝦肉好爽。
這個海鮮西湯,竟然有中湯o既味道!同埋估唔到勁大碗...
入面有好多海鮮,一隻蟹,蝦,魚,蜆等,不過因為好多薑同洋蔥,飲落有d怪怪的,唔係好夾。
這個芝士奄列,是我要求後加的,賣相好核突,點會估到咁好食?
A先生唔鍾意食蛋都勁欣賞~
另外我地order左一杯Ice tea(即係凍檸茶),依度同泰國一樣,興用青檸的,所以味道較黃檸清新。不過菲律賓的餐廳,普遍整得太甜,下次飲一定要記得叫少甜。
埋單php1212,每人都係$100,幾抵食啦。
餐廳樓下有雪糕雪條賣,我地買左兩條雪條食,我揀左Cookies & cream(php30),A先生揀左橙味雪條(php15)。果然一份錢一分貨,我果條好味好多!我誠意向大家推薦!
Alona Beach的地圖,上面list左d 潛點出o黎
食飽飽,出去又望下d海鮮,都係蟹最受歡迎,尾二果隻都俾人拎去劏lu!
魚都有好多,不過全部死晒,好似唔係幾新鮮,所以我地冇叫
時間仲早,7點半乍~我地慢慢行返酒店
行行下,唔覺意抬頭一望,嘩!~~~~~~
成個天都係星星,咩叫做恆河沙數我終於知道了,我地仲見到銀河tim!
此情此景,真係好浪漫,自問由細到大都見過好多星夜,但係咁清o既更空都係第一次見,完全一舊雲都冇!
我和A先生不禁停下來靜靜觀賞,不過看了一會,條頸已經很累,最美的回憶就留在腦海中吧!如果這一刻有張吊床你話幾好~
其他餐廳夜晚都五光十色很熱鬧!
菲律賓是一個熱愛音樂的民族,晚上沙灘有許多人演奏音樂,
這個彈樹琴,最突出係你啦!
行行下聽到好嘈,見前面好多人,我地就過去睇下咩事~
原來隔離的Bohol Divers Club做緊show,有個主持扮鬼扮馬,佢講完一輪野,跟住一個又一個唔知男人定女人o既表演者走出o黎「咪咀」唱歌跳舞扮野,我仲好記得首歌叫"One Night Only",仲要一首歌唱幾次,睇左幾首歌,估唔到頭先個主持人出o黎扮女人唱歌,笑到我地爬係度!
睇到咁上下,我地就返酒店沖涼訓覺。因為聽朝5點幾起身出海,所以今晚一定要訓足精神!
一入夜,四腳蛇就出晒o黎活動,特別是白色的牆身,映襯出四腳蛇的立體,救命呀>_<,好彩四腳蛇只在房外活動,不在房內,否則我一定會被嚇到唔敢訓覺。
點著帶來的香薰,原先以為可以一覺訓到天光!
點知個冷氣壞壞地,我地副晒d被都咁熱,同埋隔離個Disco d音樂聲好嘈...仲有一班人的嘻笑聲,連綿不絕!簡直擾人清夢!!!10點上床,但係好似去到12點幾先至入睡...
待續......
下一篇
B小姐 典型Budget Traveller,夢想是環遊世界,在香港「工作.假期」,前後做過動畫師、酒店、飲食、旅遊、婚禮等工作,認為人生是一敞旅程,為生活不是生存,最緊要活得痛快!每天為生命拼搏,即使住在狹小劏房也要追求生活品味;及時行樂,享受生命每一刻;努力工作賺錢旅遊,實踐夢想直到斷氣為止。
blog cover
2009年11月2日 星期一
突如其來的北京之旅
舅父以前在酒店正作,
去年聖誕Party抽中左兩晚布吉的酒店,
本來話俾我去的,但係後來佢同人交換左去北京的酒店,
因為佢想同女朋友去。
一場歡喜一場空,
當日我仲即刻search布吉o既機票tim
不過本來無一物,何處惹塵埃?
所以心情好快平伏番~
大概十天前,舅父打電話俾我
「你仲有冇假期呀?」
「今年冇晒了,下年就有,但係做咩呀?」
「冇呀,諗住問你去唔去北京之嘛」
「好呀好呀去呀去呀」
「張飛要12月尾之前用,但係你冇假期喎」
「請no pay leave都要去呀!」
哈哈,就係咁,佢就俾左兩晚酒店住宿卷俾我
星期日,酒店coupon到手,係北京金融街威斯汀酒店
嘩...五星級,睇相都幾正~但係我冇晒假期,點好呢?
望下月曆,據我所知聖誕節有3日假期,
但係唔知道聖誕節佢會唔會俾房我...
但係一試無妨丫!於是我就send e-mail去問
皇天不負有心人,答案係「有呀!」
book左25~27,但係問題來了!
我唔記得左聖誕節d機票貴一倍的!
閒日search到最平$16xx連稅,
但係24號出發要$27xx連稅,
足足貴左一千蚊!
搶錢呀...
後來經過多番搜尋,
終於俾我搵到平機票,
只是$16xx,時間仲好好tim!
不過要深圳飛,唔緊要啦~~
有得唔洗請假又去到旅行,已經好好了。
由確認酒店,到訂機票,
前前後後都只係用左3日,
哈哈...真係好有效率!
我一有旅行去就好心急,想快D安排好一切!
今日已經plan了90%行程,行程安排得好緊密,
務求做到最短時間去到最多地方!
自由行可能仲辛苦過跟團
去年的聖誕節我飛了去台灣,
想不到今年的聖誕節我又飛去第二度
都未試過同A先生在香港過節tim^^"
去年聖誕Party抽中左兩晚布吉的酒店,
本來話俾我去的,但係後來佢同人交換左去北京的酒店,
因為佢想同女朋友去。
一場歡喜一場空,
當日我仲即刻search布吉o既機票tim
不過本來無一物,何處惹塵埃?
所以心情好快平伏番~
大概十天前,舅父打電話俾我
「你仲有冇假期呀?」
「今年冇晒了,下年就有,但係做咩呀?」
「冇呀,諗住問你去唔去北京之嘛」
「好呀好呀去呀去呀」
「張飛要12月尾之前用,但係你冇假期喎」
「請no pay leave都要去呀!」
哈哈,就係咁,佢就俾左兩晚酒店住宿卷俾我
星期日,酒店coupon到手,係北京金融街威斯汀酒店
嘩...五星級,睇相都幾正~但係我冇晒假期,點好呢?
望下月曆,據我所知聖誕節有3日假期,
但係唔知道聖誕節佢會唔會俾房我...
但係一試無妨丫!於是我就send e-mail去問
皇天不負有心人,答案係「有呀!」
book左25~27,但係問題來了!
我唔記得左聖誕節d機票貴一倍的!
閒日search到最平$16xx連稅,
但係24號出發要$27xx連稅,
足足貴左一千蚊!
搶錢呀...
後來經過多番搜尋,
終於俾我搵到平機票,
只是$16xx,時間仲好好tim!
不過要深圳飛,唔緊要啦~~
有得唔洗請假又去到旅行,已經好好了。
由確認酒店,到訂機票,
前前後後都只係用左3日,
哈哈...真係好有效率!
我一有旅行去就好心急,想快D安排好一切!
今日已經plan了90%行程,行程安排得好緊密,
務求做到最短時間去到最多地方!
自由行可能仲辛苦過跟團
去年的聖誕節我飛了去台灣,
想不到今年的聖誕節我又飛去第二度
都未試過同A先生在香港過節tim^^"
2009年11月1日 星期日
去年的迪迪尼黑色世界
今年萬聖節哪裡都沒有去,其實我都想同A先生去蘭桂芳感受一下熱鬧的氣氛,但昨天有事做,所以唯有下年才去吧!
讓我重溫去年在迪迪尼黑色世界渡過的快樂時光
2008年10月31日
當日一放工,我和A先生便一箭步衝往迪迪尼,那次是A先生第一之去,所以心情十分興奮!
一進場就剛剛開始花車巡遊,時間來得剛剛好!呵呵!阿Jack好型呢!
之後有許多設計特別的花車經過,我地生得矮,所以...每張相都有個頭
樹妖呀!!
舞蹈藝員的扮相都別出心裁
最後,米奇都出場,坐著海盜船向歡眾say hello
看完花車巡遊,所有人都衝往園內玩,多人到呢...
因為夜場只有幾小時,所以要爭分奪秒!
連城堡都轉了Holloween Look!仲會變色tim!
到迪迪尼,不玩巴斯光年就等如無來過
仲有新開幕的小小世界,夜晚亮起燈都幾漂亮丫
「人人常歡笑,不要眼淚掉......」
來自不同版本的「世界真細小」不停穿梭我們耳朵。你最喜歡哪一個版本呢?
「兜過幾個圈,看木馬旋轉」~~~
我帶A先生看米奇幻想曲,他看好開心^^
咦?這不就是「香車配美人」?
快樂的時光過得特別快,尾聲時段當然是逛精品店啦!
每次經過這裡都好有衝動抄史迪仔
剛扮完史迪仔,即刻有隻史迪仔出現在我面前,
咁可愛,我當然立即捉住佢影相啦^^
搭完迪迪尼列車,由夢想世界返回現實世界,
轉車時候我又搭錯對面那班車.....
點解同一個錯誤會犯兩次=.="
讓我重溫去年在迪迪尼黑色世界渡過的快樂時光
2008年10月31日
當日一放工,我和A先生便一箭步衝往迪迪尼,那次是A先生第一之去,所以心情十分興奮!
一進場就剛剛開始花車巡遊,時間來得剛剛好!呵呵!阿Jack好型呢!
之後有許多設計特別的花車經過,我地生得矮,所以...每張相都有個頭
樹妖呀!!
舞蹈藝員的扮相都別出心裁
最後,米奇都出場,坐著海盜船向歡眾say hello
看完花車巡遊,所有人都衝往園內玩,多人到呢...
因為夜場只有幾小時,所以要爭分奪秒!
連城堡都轉了Holloween Look!仲會變色tim!
到迪迪尼,不玩巴斯光年就等如無來過
仲有新開幕的小小世界,夜晚亮起燈都幾漂亮丫
「人人常歡笑,不要眼淚掉......」
來自不同版本的「世界真細小」不停穿梭我們耳朵。你最喜歡哪一個版本呢?
「兜過幾個圈,看木馬旋轉」~~~
我帶A先生看米奇幻想曲,他看好開心^^
咦?這不就是「香車配美人」?
快樂的時光過得特別快,尾聲時段當然是逛精品店啦!
每次經過這裡都好有衝動抄史迪仔
剛扮完史迪仔,即刻有隻史迪仔出現在我面前,
咁可愛,我當然立即捉住佢影相啦^^
搭完迪迪尼列車,由夢想世界返回現實世界,
轉車時候我又搭錯對面那班車.....
點解同一個錯誤會犯兩次=.="
訂閱:
文章 (Atom)