菲律賓保和島5天浮@Alona Beach (Charlotte Resort)

Day3 (2009-9-20)

玩完Day Tour, 司機Ronie車我地去Charlotte Resort check-in。
4點幾就到，比原定時間早左好多^^
我地入住二樓中後的203號房間，景致一流！
雖然有點舊，不過我們都頗喜歡這裡的簡潔。

Charlotte Resort又名「韓國小白屋」, 因為是由韓國人經營的。整間Resort得8間房, 戶戶向海。雖然陳設簡單,

絕不能與大酒店媲美, 不過簡樸的風情跟Alona Beach不謀而合, 是一個relax的好地方~韓國人養了幾隻狗, 佢地好有人性,

每次一見我地返o黎就會跑埋o黎歡迎我地, 佢地生o既小狗狗仲好得意tim~~

一入屋就被海景吸引著

沒有多餘的電子產品，只有一個雪櫃，一眼望晒

露台望出去便是大海

坐在這裡聊天確是很捨意

由於我們的Resort位於Alona Beach的西面畫頭，所以這裡很寧靜，沒有太多遊人走來走去。晚上只聽到海浪聲。

Alona Beach沿海有許多不同特色的餐廳，好似赤柱咁

只要將價錢除六，就是港幣價錢了，這個環境實在不貴！

這裡海鮮最出名！大部份餐廳都會放晒ｄ海鮮出ｏ黎俾你揀。

沙灘上所有餐廳都是「向海南」，在這裡用餐感覺一流，食物都零舍好味！

試過在沙灘上按摩未？來Alona Beach就有機會試到。
走在沙灘上，好多按摩姐姐會走埋ｏ黎兜客，價錢不貴的，若有幫襯按摩姐姐就會鋪一張沙灘蔗，即夕為你按摩。若怕羞不想俾人眼望望，亦可加錢叫佢到你酒店幫你按的。相中的男人好像剛剛被按完，一身鬆晒～:D

其實都唔少人幫襯架

最後我們挑選了這家餐廳晚膳 (Jasz Bar and Restaurant)
位置在Pramid Resort & Hayaha Resort中間

入夜後氣氛更好

為甚麼不坐沙灘？因為當日好大風，我們不想用"沙"做調味料，所以稍移玉步樓上雅座

這隻泥蟹係我地揀架，最精靈生猛就係佢，果然不負所望，肉質鮮甜爽口，食過翻尋味！

這四隻大蝦又是我們親自嚴選的！用蒜蓉＋洋蔥燒，個汁好味，蝦肉好爽。

這個海鮮西湯，竟然有中湯o既味道！同埋估唔到勁大碗．．．
入面有好多海鮮，一隻蟹，蝦，魚，蜆等，不過因為好多薑同洋蔥，飲落有d怪怪的，唔係好夾。

這個芝士奄列，是我要求後加的，賣相好核突，點會估到咁好食？
A先生唔鍾意食蛋都勁欣賞～

另外我地order左一杯Ice tea(即係凍檸茶)，依度同泰國一樣，興用青檸的，所以味道較黃檸清新。不過菲律賓的餐廳，普遍整得太甜，下次飲一定要記得叫少甜。

埋單php1212，每人都係$100，幾抵食啦。

餐廳樓下有雪糕雪條賣，我地買左兩條雪條食，我揀左Cookies & cream(php30)，A先生揀左橙味雪條(php15)。果然一份錢一分貨，我果條好味好多！我誠意向大家推薦！

Alona Beach的地圖，上面list左d 潛點出o黎

食飽飽，出去又望下d海鮮，都係蟹最受歡迎，尾二果隻都俾人拎去劏lu！

魚都有好多，不過全部死晒，好似唔係幾新鮮，所以我地冇叫

時間仲早，7點半乍～我地慢慢行返酒店
行行下，唔覺意抬頭一望，嘩！～～～～～～
成個天都係星星，咩叫做恆河沙數我終於知道了，我地仲見到銀河tim！
此情此景，真係好浪漫，自問由細到大都見過好多星夜，但係咁清o既更空都係第一次見，完全一舊雲都冇！
我和A先生不禁停下來靜靜觀賞，不過看了一會，條頸已經很累，最美的回憶就留在腦海中吧！如果這一刻有張吊床你話幾好～

其他餐廳夜晚都五光十色很熱鬧！

菲律賓是一個熱愛音樂的民族，晚上沙灘有許多人演奏音樂，
這個彈樹琴，最突出係你啦！

行行下聽到好嘈，見前面好多人，我地就過去睇下咩事～

原來隔離的Bohol Divers Club做緊show，有個主持扮鬼扮馬，佢講完一輪野，跟住一個又一個唔知男人定女人ｏ既表演者走出ｏ黎「咪咀」唱歌跳舞扮野，我仲好記得首歌叫"One Night Only"，仲要一首歌唱幾次，睇左幾首歌，估唔到頭先個主持人出ｏ黎扮女人唱歌，笑到我地爬係度！

睇到咁上下，我地就返酒店沖涼訓覺。因為聽朝5點幾起身出海，所以今晚一定要訓足精神！

一入夜，四腳蛇就出晒ｏ黎活動，特別是白色的牆身，映襯出四腳蛇的立體，救命呀>_<，好彩四腳蛇只在房外活動，不在房內，否則我一定會被嚇到唔敢訓覺。

點著帶來的香薰，原先以為可以一覺訓到天光！
點知個冷氣壞壞地，我地副晒d被都咁熱，同埋隔離個Disco d音樂聲好嘈...仲有一班人的嘻笑聲，連綿不絕！簡直擾人清夢！！！10點上床，但係好似去到12點幾先至入睡．．．

待續......


下一篇

菲律賓保和島5天浮@Bohol Island Hopping