菲律賓保和島5天浮@Bee Farm

Day2 (2009-9-19)

抵達Bee Farm, 已經差不多3點。比預期中遲了4小時......


第一時間就係check-in, 我地訂房由原先的Barn(2人房) upgrade去Beehive(3人房), 咦...咁會唔會收貴我地架? 不過我地冇問呀~

一入到房, 嘩~~~~~好大呀!

我喜歡這個小角落

間房有度門, 可以出去小露台, 不過周圍都係樹葉, 冇景睇架

洗手間都幾乾淨, 仲有浴缸tim!

我很喜歡Bee Farm的原始氣息, 枱枱櫈櫈都係hand-made feel~

自家製籐籃, $5個, 平到笑!

依度仲有好多......

不過我唔敢買, 因為......
我怕會帶埋d小昆蟲返屋企>.<

小吉他好cute, 真係彈到架~

草帽很漂亮

這些繡了花的貴d, $25個

還有很多hand made的手工藝品

飾物都有很多, 有d都幾靚架

"對面的女孩看過來, 看過來, 看過來~"

我鍾意依頂

我最愛的吊床, 行行下就會搵到一張

肚子餓了......基本上今朝7點後都冇咩點食過野, 4點先開始食lunch=.=
最衰都係果班船啦.......打亂晒人地d時間!>.<

Bee Farm有兩間餐廳, 我地第一間去的, 是這間在海旁的。

個view真係好靚好梳乎, 不過咁大自然o既地方, 都會有好多小動物陪你一齊食, 相輔相成的啊!

開飯前影張相先啦~

我地叫左兩杯BeeFarm特飲, 一杯好重芒果味, 一杯好重蘿蔔味, 兩杯都好飲~

前菜是這個麵包, 不過重點不在包, 乃在醬! 這三個醬都好好味, 一個奶油味, 一個芒果味, 而中間果個......wasabi? nonononono! 係味道好獨特的香草醬, 食落好似有d蒜蓉味, 一試難忘, 好味到不得了! 鍾意o既話買樽返去做手信都唔錯~

依個係海鮮湯, 味道幾特別, 唔識形容, 不過我地幾鍾意的~
d蔬菜都是BeeFarm自種的有機菜, 食起上o黎都覺得健康d~

依個意粉, 好重檸檬草味, 味道又係好特別, 好味又清新~

埋單594php, $100都唔洗~~

這個外籍男人, 之前一直訓在長櫈上訓覺, 訓醒之後過o黎看海, 完全融入了Bee Farm的庸懶氣氛下。

食完飯之後我地落左下面個石灘度行下。

周圍都是貝殼的裝飾

我地見到依d 沙灘椅, 就忍唔住攤左上去, 好舒服呀......

訓到唔願起身~v~

隔離有條樓梯可以行落石灘玩水, 不過A先生冇著拖鞋落o黎, 跟住我提議返上去換完拖鞋再落o黎玩過。

其實依度都幾靚, 如果好天d會更perfect!

返上房, 經過賣雪糕, 心思思買左一杯食

雪糕都係hand made的, 有好多種味道可以選擇

雪糕筒是用特別的東西做, 係Bee Farm o既特產。我都係後來先知, 不過我唔記得左用咩做...:p 我地叫左杯 Halo-Halo, 係菲律賓的特色飲品, 下面係新鮮生果, 上面有雪糕。

佢地聽到我地叫Halo-Halo好開心, 見佢地動用好多人, 係廚房玩得好開心 搞到我地好期待。出世了, 登登登登! 依杯就係哪~120php, $20杯, 係菲律賓o黎講都算貴哪~

講下試食感受先, 面頭果層蜜糖漿太甜了, 好彩唔係落左好多~雪糕係佢地幫我地揀的, 芋頭味同開心果味, 兩樣都好好味。隔離果條芋頭脆條, 好脆, 我鍾意。至於下面d水果, 全部都好新鮮, 加上椰汁, 同埋刨冰, 其實幾好味, 不過因為水果冇得揀, 入面可能會有d我地唔食o既水果, 對整體味道會有d影響啦。

食完雪糕, 已經天黑, 噢......本來話換完拖鞋再落去玩, 冇機會了。唔緊要啦, 我地行下紀念品店。除左手工藝紀念品之外, 入面仲有一間食物紀念品。有pure honey, 朱古力山朱古力, 仲有Halo-Halo上面果條芋頭脆條, 依度都有得賣~

仲有好好味麵包醬

入夜之後, 四腳蛇開始出動, 嚇到我瓜瓜大叫>o<
好彩間房冇乜, 只見到一隻細細隻, 而且好乖咁stay係牆角度郁都唔郁。
既然出面咁危險, 我地就返入房。
因為4點先食飯, 所以未肚餓...
依個時間最好就係做massage, 不過我地唔想出去, 於是打電話問下可唔可以叫人o黎房度按摩, 原來得架喎, 不過要加100php(原價400php/hr), 都係十幾蚊, 就豪俾佢啦。
按摩師手勢好好, 我地不約而同舒服到訓著左, 1個鐘好似過左好耐咁, 哈。做完之後成身都係油 因為冇散紙, 仲每人醒多100php tips俾佢地tim, 真係好豪呀...

按摩完, 已經8點幾, 我地唔想出去食飯 (哈哈, 好懶) 於是又打去問可唔可以room service, 又得喎! 跟住有人拎menu o黎我地房, 幫我地落單, 話咁快, 就有得食哪!

這是我們晚飯的地點

今餐我地叫左芝士肉醬焗寬條麵, 依個超好食!!! 跟手仲送埋鮮花沙律, 生平都係第一次食花, 口感好特別, 蔬菜又好新鮮, 愛食沙律的人必試! 其實應該係配合黃色果樽醬食, 不過A先生試完話我知係芥辣, 所以我就冇試了。

我地仲叫左個湯, 唔記得左係咩湯了......幾好味架, 我覺得好飲過下晝果個tim。

來到菲律賓, 梗係要食海鮮! 今餐大刷特刷, 叫左碟coconut煮蟹, 嘩~三百幾php就有兩隻蟹, 雖然唔算好多肉, 但係真係好抵食, 味道都唔錯架。

跟蟹又送個飯+沙律, 我地食唔到咁多, 同埋個飯係燥米, 好硬, 我地食唔慣, 結果完全冇食到, 好sai野tim>.<

今餐好滿足呀^v^ 埋單851php

後話, BeeFarm其實有個Farm Tour, 係生態教育之旅, 可以參觀蜜蜂養殖場, 睇下籐器製作,

農作物種植...等等(其實我都唔清楚細節有d咩...哈哈), 全程2hr, 費用只係20php/人,

幾抵玩架。原本我地打算去架.....可惜我地遲左4個鐘, 食完飯都天黑, 冇緣玩了。

<<一段小插曲>>
出發之前識左個blog友, 佢問我有關菲律賓的問題, 原來大家出發時間差唔多, 又係住BeeFarm, 所以我地約左今晚出o黎見面。佢地係Y小姐同E先生, 笑容親切, 我地都幾好傾。最搞笑係佢地打電話約我地去RECEPTION度等, 行到出去o既時候, 突然有人叫住我地, 回頭一望, 點解後面出o黎o既? 哈哈, 原來佢地住正我地上面, 見住我地行出o黎。真係橋哪~~BeeFarm咁大, 估唔到我地會住樓上樓下, hahaha, 真係有緣哪。

今次旅程多得佢地, 我地唔洗煩搵Day tour & Island hopping的船家&司機。佢地之前已經傾好晒價錢, 我地覺得價錢okay, 所以用番佢地用過o既 如果對船家及司機有興趣o既, 請留意之後Day Tour同Island Hopping的文章。


聽朝會去Day Tour!
待續............


下一篇

菲律賓保和島5天浮@Day Tour(朱古力山+眼鏡猴) 上