青島之旅 Day2.5 心海廣場漁壽司

Day2.5 (2011-4-9)


行程: 酒店早餐-->信號山公園-->基督教堂-->迎賓館-->奧帆中心心海廣場-->
葡萄酒街-->啤酒博物館-->電視塔-->婚紗街-->登州路-->酒店

前文講到, 部相機突然冇電, 所以更改行程折返酒店叉電。


叉電過程中, 我地去左酒店附近搵食!

奧帆中心附近...有個心海廣場, 裡面有間壽司店望落好似唔錯咁, 因為青島海產新鮮, 所以估計日本野應該都有保證, 於是就入左去!

裡面裝潢唔錯, 仲有日式 ta ta mi 坐

我地被安排到迴轉壽司旁的座位, 既可從迴轉盤上揀心水壽司即時享用, 又可在菜牌中點選特色食物, 一舉兩得!

Menu 款式都幾多

而且價錢也合理
圖中有個蟶子壽司, 都係第一次見!

我地散叫左d壽司, 依度既壽司好興落沙律醬&木魚(左上角)做配菜,
其實我覺得咁新鮮, 唔落唔係仲好嗎?

壽司大部份都唔錯, 除左依件 - 海膽壽司,
份量好多好新鮮, 口感勁黏, 不過好像冇乜味咁

依個好特別, 係海鮮湯, 不過依個湯係用個壺裝住, 要倒落隻杯度飲
隻杯有舊橙, 連埋湯一齊飲有d甘甘甜甜; 如果拎走舊橙, 直接飲到湯o既清甜,
湯壺有豆腐﹑蜆﹑蝦﹑海帶......等等, d渣都好味,
誠意推薦俾大家

牆上面d碟除左有顯示壽司價格的作用外, 還有點綴效果, 似唔似一朵花呢?

搵返頭先出過o既一張相, 依條「豆」都裝飾得好靚~

依隻碟勁!!! 睇唔睇到有幾多種魚?
原來魚字部o既字有咁多......

依完, 餐飯都唔洗二百蚊, 估唔到!
之後仲送左兩張$20 coupon俾我地, 食滿$100就可以用一張, 仲可以兩張一齊使用!
不過可惜短期內我地唔會o黎第二次, 如果有blog友o岩用, 不防pm個地址俾我, 我寄俾你丫。

臨走前拎左張卡片, 原來依間「漁壽司」係日本人開架。

心海廣場出面, 英文名Darling Harbour, 有抄襲悉尼海港之嫌

廣場出面有d自動車可以俾人租o黎玩

仲有...咦? 依隻野咁面善o既? 乜咁似新加坡果隻Duck Tour o既?
原來中國都有得玩, 仲要係「中國唯一」!

不過依度就貴喇, 百幾蚊先玩得半個鐘, 同埋佢個路程唔太遠, 感覺上唔係好值

不過, 都可以欣賞下依隻中國版o既冒險鴨!
大隻d, 載客量多d

睇完鴨, 後面有架的式遊艇, 應該係快艇至o岩, 好似係展銷俾人買的

咁細隻, 最o岩就係俾情侶遊船河用架喇, 售價35萬人仔

奧帆中心外泊左好多遊艇, 驟眼望落好似黃金海岸出面咁~

我地係度研究邊隻遊艇出海最好

依個係影相位o黎架

慢慢我地就行返到酒店, 唔知舊電叉好未呢?


下一篇

青島之旅 Day2.6 葡萄酒街