提起希臘, 大家就會聯想到小白屋﹑愛琴海﹑雅典神殿﹑聖托里尼島﹑米高諾斯島......
其實希臘好大, 在希臘嘅最南部有一個總面積達八千幾平方公里嘅島, 叫做克里特島(Crete Island), 果度係歐洲文明史嘅重要發源地!
聖托里尼島﹑米高諾斯島都為人熟悉, 走進克里特島, 你能夠搵到希臘最原汁原味嘅一面!
神秘消失的亞特蘭提斯 - Crete (克里特島)
克里特島（Κρήτη；Crete）, 位於地中海北部, 是希臘的第一大島, 總面積8300平方公里。位於地中海與愛琴海交界處, 控制著歐、亞、非三大陸塊的經貿樞紐。島上山脈綿延全島, 島中部的山峰被稱為神聖的艾達山（海拔2743米）。在還沒成為希臘城邦之前, Crete(克里特島)曾經是航海發達、不可一世的強權古國, 勢力範圍遍及當時的地中海域。希臘是歐洲古文明的發源地, Crete(克里特島)的米諾安文明(Minoan Civilization)是最輝煌的時期（西元前 3000 - 1100）, 比起邁錫尼文明還要早數百年。
Crete(克里特島) 分別由4個行政區組成: Chania/ Haniá(干尼亞州), Heraklion(伊拉克利翁州), Lasithi(拉西錫州), Rethymno(雷西姆農州)。相對Mykonos(米高諾斯島)及Santorini(聖托里尼) , Crete的人口比較少, 不過她的文化歷史側最遠古流長。
三千幾年前, 歐洲文明, 消失於一夜之間!?!?!
歐洲文明的源頭, 大約出現在西元前3100年左右, 公元前1700年神秘地消失了。此後，這個高度文明的瑰麗古城，又出現了城邑和宮殿建築，並開始了最為繁榮的階段。部分恢復舊觀的米諾斯王宮，其壁畫、樓梯、石柱的超卓藝術使訪古者歎為觀止。不過, 這一切卻又在公元前1450年全毀於一夕之間, 有人說是毀於火山爆發被摧毀, 亦有人說是因為大地震, 眾說紛紜, 至今仍是一個迷!
正正因為她的歷史文化令人著迷, 吸引著不少人前來拜訪。
下榻精品別墅酒店
好喇, 請完歷史, 今次為大家介紹的是Chania --- Crete最古老及最美麗的古城。
依度有兩間設計獨特的精品酒店, BLEVERDE 及SK place。
BLEVERDE Estate
http://www.bleverde.com/
由Chania的機場坐車前往BLEVERDE Estate, 只需45min。
BLEVERDE是希臘文, 有「藍」「綠」的意思, 我估意思應該同「天與地」/「海與地」有關。
果度有兩棟獨立別墅, 各帶著不同建築風格!
因為別墅建於小山坡, 可由山坡上瞭望市區景色, 好靚架!
．Villa Elia (Classic)
2房: 1間Master double Room 1間Twin bed room, 可以住4個人
我自己就比較喜歡依間, 因為那石牆的裝潢感覺好似城堡咁, 似17世紀歐洲建築
兩間別墅都有個超大泳池, 可以自由暢泳
你話...如果夜晚係度同honey一齊手拖手睇星星, 幾咁浪漫呢...
木地板俾人好溫暖嘅感覺, 係我杯茶呀
．Villa Levanda (Modern)
3房: 2間Master double Room 1間Twin bed room, 可以住6個人
另一間就好modern, 似香港見到嘅低密度豪宅
簡約嘅設計令人好舒服, 開放式廚房俾你一路睇住靚景一邊煮食~
依間屋, 就好似我嘅夢想dream house咁! 有露台, 有泳池, 有張好大嘅食飯枱, 俾我可以招呼好朋友!
依度遠離繁囂, 兩間別墅加埋住到10人, 真係一家大細樂聚天倫 or 三五知己把酒把酒言歡嘅好地方!!!
如果上天賜我一星期假期俾我同好友, 一齊飛到克里特島, 住返一個禮拜, 開個party, 你話幾好呢~
BELEVERDE可以包場舉行小型婚禮架, 10個人就可以包起兩棟別墅, 真係話咁易!
SK Place Crete Villas
http://skplace.gr/
位於的SK place由三棟獨立別墅組成，座落於Almyrida區, 能俯瞰愛琴海美麗景色。
三間別墅都有唔同style, 全部均有2間Master room(上層), 1間Twin bed room(下層)
．Almyra Residence (Island Style)
．Villa Anemos (Modern) 有Infinity Pool
最殺食都係依張相喇, 3間裡面唯一一間有infinity pool!
除左依張相之外, 其餘嘅設計都唔係好吸引到我, 因為感覺太沉實, 有d似有錢人嘅古老大宅咁!
．Villa Ammos (Traditional Cretan)
依間嘅設計有d童話嘅感覺呀, 望住果塊淺藍色廁所牆, 同埋用籐織嘅鏡框, 唔知點解我會諗起:「童年時逢開窗, 便會望見會飛大象」
Chania的周邊旅遊景點
Chania其實都幾大, 果度有幾個必去景點比較出名!
1) Gavalochori 傳統希臘特色村落
Gavalochori 係充滿南歐風情的街道, 餐廳, 咖啡室, 小賣店, 洋溢著慢活風情。
由Bleverde Estate坐車過去只係10min, 非常近!
2) Almyrida 係一條古老嘅漁村, 是Chania著名景區
果度有一個迷人嘅沙灘, 海邊的道路也很漂亮，周圍餐館酒吧林立。
由SK place行過去好近架乍!
睇到依張相, 係咪覺得好出奇呢? 乜希臘有雪山嘅咩?!?
島中部的山峰被稱為神聖的艾達山（海拔2743米）
圖中為12月份拍攝的照片, 真係開心大發現呀!
3) Chania Venetian port (威尼斯海港)
Chania 著名港口, 有一片神似威尼斯的濱海景色。
在威尼斯海港的中心, 有一座燈塔和老城, 是有幾百年的古建築。
4) Samaria Gorge (薩馬利亞峽谷) - 行山
Samaria峽谷有著壯闊的地形, 希臘夏日非常乾旱, 所以Samaria整個河床暴露出來, 成為健行步道。
因為要等到河水乾晒先可以行, 所以只有每年5月到10月, 才會開放遊客進入健行, 步道全長18公里。
5) Palace of Knossos (克諾索斯宮殿)
Palace of Knossos (克諾索斯宮殿), 有地下迷宮之稱, 歐洲古文明發源地中心。
建於公元前2000年, 就是Crete(克里特島) 傳說中牛頭人身怪物 (Minotauros) 居住的迷宮, 是重要的古文明遺跡, 不容錯過。
Palace of Knossos (克諾索斯宮殿) 是目前出土足以代表米諾安文明光環的遺址, 二十世紀初由英國考古學家亞瑟•伊凡斯從Crete(克里特島) 首府伊拉克裏翁東南方五公里處挖掘出來。依山傍河的Palace of Knossos (克諾索斯宮殿), 經證實建於公元前2000年, 從開挖之初, 目前還在陸續復建中。
Palace of Knossos (克諾索斯宮殿) 又有“牛怪迷宮”之稱, 原來相傳統治著愛琴海的克裏特島的國王米諾斯, 為左鞏固海上霸權, 曾經答應送給海神波塞冬一頭公牛, 後來卻因為公牛生得太靚而反悔, 波塞冬一怒之下, 讓米諾斯王妃愛上公牛, 並產下人身牛頭的牛怪米諾陶勒斯 (Minotauros) , 米諾斯知道後非常嬲, 還在皇宮裏建造了迷宮關住牛怪。 說起來複雜的神話故事, 卻讓Palace of Knossos (克諾索斯宮殿)變得更有可看性, 透過已經傾倒的石柱廢墟, 仍可想像迷宮般的建築和皇宮當年的輝煌燦爛。
<<後記>>
雖然暫時去唔到, 不過每次寫完一篇文章介紹完一個地方, 都讓我「眼睛去旅行」一趟!
我會記住依個地方, 希望有生之年(希望唔好太遲啦...)可以親身飛去果度探秘, 影相!
如果大家比我「行先一步」, 記住同我分享下~ 等我可以望梅止渴都好丫
因為依個地方比較冷門, 所以好少agent有套票
Sun N Sea Holidays有5晚package, 又唔係好貴乍喎!
不過佢唔係叫克里特島, 係叫姬莉德島, 好詩意bor~
沒有留言:
張貼留言