回家路上

Day4.2 (16 July 2012)  

返回旅館拿行李後, 便向著機場進發! A先生好威猛啊!!!

去到機場, 第一件事係退稅! 新加坡大部份商店餐廳都會徵收7%的消費稅(GST), 若於貼有「Global Refund」標誌的商店一日購物達SGD100 (不超過3張收據), 就可以申請退稅。新加坡機場有GST Cash Refund專櫃, 帶同收據及護照辦理相關手續即可退回退款。

慢步。阿拉伯街 - 哈芝巷Haji Lane

Day4.1 (16 July 2012) 

今早慢步遊, 由5footway Project Sultant 慢慢行去 Bussorah Street 食早餐。知道果度係背包客天堂, 好多cafe, B&B旅館, 手信店。不過唔見有o岩食o既早餐, 成條街食o既都係西餐, 而且價錢仲唔平, 想簡單食餐星州風味早餐, 原來唔易架。走完成條街都冇, 就繼續向前行, 經過阿拉伯街, 哈芝巷, 峇里街, 再行多5-10分鐘, 去到Bugis商場食阿坤。

AABB衝破四十萬人次！

很開心同大家宣佈：

AABB又創高峰！瀏覽人次衝破四十萬！

每年經歷這個時刻，我的心頭都會覺得十分感動！

謝謝每一位粉絲﹑ 每一位過客

您們的支持，是我繼續寫下去的原動力！

我知自己文筆粗糙，攝影技巧幼嫩

但往後日子我會不斷努力鑽研

如果大家喜歡小妹寫的文章，請繼續支持

或輕按一下「Like」公諸同好~

感謝每一位

 

樂而忘返博物館

Day3.6 (15 July 2012)


為左慳時間, 我地打的去國家博物館參觀。博物館是百年歷史建築物, 依度分為「歷史展館」及「文化生活展館」。文化生活展館好有趣, 透過美食﹑時尚﹑攝影﹑電影等現代元素去解說新加坡50-70年代的歷史。例如用耳朵聽50-70年代的潮流音樂, 用鼻嗅新加坡飲食文化的香料, 透過訪問, 紀錄片等以說故事形式,與大家一同回顧新加坡700年來的歷史。我地都覺得好好睇, 值得一遊!

博物館入場費SG$10, 文化生活展館18:00免費入場, 我地趕得切免費時段入場。

瑞記食魚湯米線

Day3.5 (15 July 2012)




買完肉乾, 帶A先生去左瑞記食魚湯米線, 這是上次沒有探索過的路, 沿途都有經過安祥山, 依度好多有型店舖﹑ 酒吧﹑ 餐廳等, 係潮人喜愛的地方。

炭燒肉乾胡振隆

Day3.4 (15 July 2012) 

跟住我地就去左China Town買肉乾同藥油。肉乾星洲3大出名品牌, 分別係美珍香﹑林志源﹑胡振隆。美珍香香港都有, 林志源上次試過, 今次試下胡振隆。胡振隆就在藥油舖隔離, 靠賣炭燒肉乾起家, 一直都好少賣廣告, 靠口碑相傳。

搵笨Angry Bird纜車

Day3.3 (15 July 2012)  



搵笨Angry Bird纜車

行完小印度, 要去坐Angry Bird纜車。其實原本都打算唔坐的, 但看見雜誌記者介紹到必去景點咁款, 就去睇下咩料。介紹Angry Bird纜車資料的文章好含糊, 搞到都唔知究竟係邊度上車……跟住指示去到Harbor Front站, 搵到纜車大樓, 但原來這個不是終站, 只是中途站, 我們要選擇乘坐去是旦一邊。