【交通】Stockholm (斯德哥爾摩) ---> Copenhagen (哥本哈根)

從 斯德哥爾摩 到 哥本哈根 (Stockholm to Copenhagen)

北歐之旅行程其中兩站是瑞典的斯德哥爾摩及丹麥的哥本哈根。從網絡爬文, 發覺資料不太集中, 所以整理一篇文章希望方便自己方便人。兩個城市只距離650km, 交通方面有很多方法可以選擇。註: 以下都是由斯德哥爾摩作為出發地, 調轉也行的。

1- By Air 搭飛機

每天都有直航機來往斯德哥爾摩和哥本哈根, 飛行時間只需1.5小時左右, 視乎哪個機場。
價錢方面, 暫時check到最便宜的是由 BMA (斯德哥爾摩布洛馬機場 Stockholm Bromma Airport) 到 CPH (哥本哈根凱斯楚普機場 Copenhagen Kastrup Airport)

票價HKD$418, 加埋行李費HKD$127.87/人, 可以寄存1件20kg的行李。票價總共是HKD$545/人 (價錢隨著匯率有改變)

還有另一個選擇是從ARN(斯德哥爾摩阿爾蘭達機場 Stockholm Arlanda Aiport) 起飛的, 這是國際機場, 雖然價錢差不多, 但這機場較遠離市中心, 所以兩者比較我會選擇 BMA(斯德哥爾摩布洛馬機場 Stockholm Bromma Airport)。

在歐洲乘坐廉航要注意, 機場通常都係九萬丈遠, 所以訂票時也必須check清楚機場位置, 免得費時失事。光是瑞典斯德哥爾摩已經有3個機場了

ARN (斯德哥爾摩阿爾蘭達機場  Stockholm Arlanda Airport)

NYO (斯德哥爾摩史卡夫斯塔機場 Stockholm Skavsta Airport)

BMA (斯德哥爾摩布洛馬機場 Stockholm Bromma Airport)

搜尋內陸機票價錢 (我喜歡用skyscanner)

http://www.skyscanner.com.hk

2- By Train 搭火車

另一個選擇是搭火車, 票價一般會比機票平, 而且只需5.5小時, 扣除來回機場及過關時間, 其實跟坐飛機時間差不多。而且沿途風景優美, 比起飛機上只看到雲雲雲, 是旅程的意外收穫。缺點是火車票在3個月前才能訂票, 而且價錢都幾「海鮮價」, 星期一至四的票價較平, 周末的票價較貴, 有時還貴過機票。像我這樣, 在星期日出發, 平極都要三百幾瑞典克朗, 即係四百幾蚊港紙, 而且時間仲可能好衰。所以抵唔抵, 要自己衡量喇。火車車站選擇 Stockholm C – Köbenhavn H, 就能看到火車班次時間及票價。

訂票:

RailEurope.com (可訂任何歐洲火車線路)

http://www.sj.se (瑞典國鐵)

一次過可以查晒3個月內的班次時間及票價

選了日子, 裡面還有許多時間的, 全部價錢也不同, 一般最早或最晚的班次價錢也相對較便宜, 2nd Class, Non-Rebookable就是最便宜的了。

3- By Bus 搭巴士

最便宜的交通方法, 不過亦是最慢的方法, 通常車程由10小時到20小時不等, 適合學生哥。既省錢, 又有趣, 因為過國界時會有警犬上車檢查。

Check 時間表和價錢： 瑞典－Swebus Express ; 哥本哈根－KÖPENHAMN

4- By Car 自駕遊

租車自駕遊亦可以的, 由Stockholm去 Copenhagen, 大概需要7小時車程。

再次細味黃亞細

Day3.1 (15 July 2012) 

再次細味黃亞細

雖然在新加坡我只試過一間細肉骨茶, 就係黃亞細, 但她在我心目中也是永遠number 1! 來到新加坡, 除左要食辣蟹, 咖央多, 當然唔少得肉骨茶。重要程度等如去香港唔食咖哩魚旦, 燒賣, 叉燒, 雲吞麵咁, 國寶o黎家ma!

瞓醒去到已經12點, 又係超多人~

老字號 Palm Beach 海鮮

Day2.3 (14 July 2012)


8點已經有點肚餓, 要去搵食! 尋日食完白胡椒蟹, 今日去邊度食蟹好呢? 見另一間老字號好似幾出名, 就在附近, 就去依間啦。

免費漫遊斯德哥爾摩

北歐之旅已經進入白熱化階段了
行程已定, 酒店大致選定
係時候plan下景點路線

從網上找到這個 瑞典 斯德哥爾摩 的免費導遊 

FREE TOUR STOCKHOLM 服務

真係免費 帶你漫遊斯德哥爾摩

一對瑞典新婚夫婦2009年到歐洲浪遊1個月, 因為當地仲係學生, 所以乜都慳, 住B&B, 食麵包, 有幸地試過當地提供的免費Tour, 用步行方式遊覽城市, 讓他們不單慳到錢, 仲話, 免費tour甚至比起付費tour更有趣, 因為你真正認識當地最地道o既文化, 食最地道o既美食。回到瑞典後, 他們就成立了這個義務組織, 繼續薪火相傳, 帶領其他遊客感受瑞典的活力及可愛的地方!





有計劃到斯德哥爾摩觀光的話, 可以考慮參加免費的FREE walking tour, 網頁上都有列出免費導覽的時間和集合的地點, 想要更加認識斯德哥爾摩的話可以參考哦!  

http://www.freetourstockholm.com/

「空中怪樹花園」Garden By the Bay

Day2.2 (14 July 2012)

「空中怪樹花園」Garden By the Bay 

「空中怪樹花園」Garden By the Bay, 係新加坡6月最新開幕o既景點! 新鮮滾熱辣呢~~ 位於Bayfront站, 濱海灣金沙隔離, 成個公園有幾個維園咁大, 耐心行可以玩足1整日。

公園分幾part, 付費區和非付費區的民族主題園區。免費區有中國花園﹑馬來西亞花園﹑印度花園等等, 全部都種滿該國的植物及園林佈置, 最重要係唔洗錢, 附近仲有一個漂亮小湖同人工島, 真係一家大細假日消閒好去處。

韓式泡菜炒烏冬

今日未有更新遊記, 但享受了一個悠閒的星期天。
試了新菜式, 簡單易整, 同大家分享下啦!

韓式泡菜炒烏冬 (2人份)

材料：

泡菜200克、即食烏冬2包、任何自己喜歡的材料 (今次我咩都冇加, 因為屋企乜都冇XD)



調味：椒鹽少少、糖少少

做法：

1. 燒熱鑊下油，加喜歡的材料炒熟，香盛起備用。

2. 原鑊放入烏冬炒散，加1湯匙水，冚蓋煮1分鐘，下泡菜炒勻。

3. 最後把已炒好之材料回鑊，下椒鹽及糖調味兜勻即成。
4. 上碟前快速煎蛋餅切絲放在烏冬上面。

小貼士：

烏冬不用先汆水，否則很易炒爛。

【交通】Helsinki (赫爾辛基) ---> Ivalo

【交通】Helsinki (赫爾辛基) ---> Ivalo 

由Helsinki去Ivalo，有兩個方法，一是搭火車，由Helsinki去Ivalo大概12小時。
Overnight Train VR (http://www.vr.fi/en/index.html)

另一方法就是搭飛機。
如果你是乘坐芬蘭航空 (Finnair)，可以加少少錢坐埋佢段內陸機，好似千幾蚊，接駁時間最靚。如果你是坐其他航空公司去，或者想平少少，就可以考慮坐 Norwegian Air (挪威航空)。

Norwegian Air (挪威航空) 乃北歐的廉價航空公司，在北歐都幾大，僅次於北歐航空。挪威航空基地在挪威，在北歐各國包括Oslo、Helsinki、Copenhagen、Stockholm提供密集的航班及飛往歐洲、北非、中東各大城市的國際航班。

買票之前，我喜歡在 Skyscanner 格一格價，看看哪一間Airline有飛及哪一間有做Promo，搜尋廉航的Engine有好多，暫時最喜歡的就是Skyscanner，目前為止都是最快最清晰及最可靠的。Helsinki及Ivalo的機場Code分別是 HEL 及 IVL，輸入後系統就會自動在網上search晒咁多個website包括官網，然後話你知邊間賣得最平。

Search完後，你可以選擇直接在Skyscanner度買，又或者去返系統顯示的官網度買，例如我這個例子，最平是 Norwegian Air (挪威航空)。

Step1 (輸入目的地及出發日期)
由Helsinki去Ivalo不是天天有機，所以記得plan行程時睇清楚幾時有機先買國際機票，如果唔係就要Spend多幾日在Helsinki玩。

圖中顯示HEL-IVL只有星期二、四及日有機

Step2 (選票種)
票價有兩個，是的，有Promo及冇Promo價錢可以差好遠。看你運氣了！

特價票價 € 37.90 /人

Step3 (付款)

計埋稅項行政雜費等，總票價是 € 92.80 兩個人，即每人 € 46.40

我無聊仲Search左Tallinn去Copenhagen的航班，嘩，貴好多呀，都係搭船算了。