「空中怪樹花園」Garden By the Bay

Day2.2 (14 July 2012)

「空中怪樹花園」Garden By the Bay 

「空中怪樹花園」Garden By the Bay, 係新加坡6月最新開幕o既景點! 新鮮滾熱辣呢~~ 位於Bayfront站, 濱海灣金沙隔離, 成個公園有幾個維園咁大, 耐心行可以玩足1整日。

公園分幾part, 付費區和非付費區的民族主題園區。免費區有中國花園﹑馬來西亞花園﹑印度花園等等, 全部都種滿該國的植物及園林佈置, 最重要係唔洗錢, 附近仲有一個漂亮小湖同人工島, 真係一家大細假日消閒好去處。

付費區包括行走空中步道, 仲有兩個大型溫室花園 – Flower Dome & Cloud Dome, 分別展出乾燥地區同潮濕地區生長的植物。

奇花異草 Flower Dome 

Flower Dome室溫維持在攝氏23-25度, 非常舒適, 在裡面可以認識來自不同國家的熱帶植物, 最特別的莫過於非洲沙漠地區如馬達加斯加生長的沙漠怪樹, 仲有介紹地中海氣候生長的漂亮花朵﹑橄欖樹﹑沙律菜的盛產地等, 走完整個園區, 感覺像遊覽世界一圈, 非常有教育意義。

依棵樹係馬達加斯加獨有的品種

睇完Flower Dome, 去"七號天堂"買左杯雪火火

涼浸浸 Cloud Dome 冷霧館

Cloud Dome就好凍了, 冷冷的風吹埋o黎令人打冷震, 依個區主要展示海拔1000-3500米的熱帶植物, 所以氣溫及濕度方面都要模仿高原山區氣溫。

一入去就眼到35米高的瀑布, 配合紫色燈光的照射下美如仙境。

遊覽路徑是先乘電梯前往7樓, 再沿著架空「天橋」向下走, 這些步道令我想起遊覽Rain Forest走過的吊橋, 雖然步道好穩陣, 但咁高望落去, 難免有點腳仔軟。

在行走Cloud Dome步道期間…我們聽到空中很嘈吵, 舉頭一望, 便看到戰機在空中盤旋, 還有直昇機拉著新加坡的國旗。嘩, 發生甚麼事? 唔知呀, 總之看到這些奇景便自覺「Lucky」。後來才得知原來是新加坡國慶預演。

開始入夜, 館內燈光亮起, 又有別一番感覺! 依度開到晚上9點, 鍾意睇夜景o既, 可以傍晚先o黎架~

除左植物, 仲有水晶同鐘乳石睇, 估唔到!

冷霧館都幾凍!! 濕氣又重, 建議帶備小外套, 避免冷親~ 8點已經有點肚餓, 要去搵食!

Garden by the Bay

地址: 18 Marina Gardens Drive, Singapore

時間: 露天花園 5am-2am, Flower Dome + Cloud Forest 9am-9pm

票價:  Flower Dome + Cloud Forest 成人SG$28 (約$168HKD), 小童SG$15 (約$90HKD) , 空中步行徑 成人 SG$5 (約$30HKD), 小童 SG$3(約$18HKD) 露天花園免費

網址: www.gardensbythebay.org.sg

交通: 乘地鐵至Bayfront站, 步行10分鐘/或從金沙酒店的Garden Bay Bridge行過去, 約5分鐘

估唔到這個花園我地都玩左4個鐘, 已經唔算深度遊了, 如果真係深度慢慢遊, 可能要用多兩三小時。總括o黎講, 鍾意探索生態o既朋友不妨到此一遊, 因為唔係好多地方可以一次過睇咁多世界品種o既植物, 有小朋友o既更加不容錯過啦, 走一轉好過上一堂通識堂!

下一篇　老字號 Palm Beach 海鮮