一早起身去二樓食早餐，食過咁多日早餐之後．．．我本來對酒店早餐已不抱太大期望，特別是這間老土酒店。點知中信大飯店的早餐給我意外的驚喜！選擇都幾多，熟食有通粉炒米粉茄汁豆炒蛋火腿等，仲有我最愛o既芝士！另外，仲有多款麥片等穀類早餐～另一邊還有多士爐麵包。我覺得已經十分豐富了～大酒店果然唔同ｄ！在這落後的嘉義市，中信大飯店已經算是大酒店了。
飯店有免費專車接送往返火車站的（要預約），吃過早餐後，就乘坐專車到火車站，往阿里山去！
專車十分舒服，服務真貼心
本來想搭小火車上阿里山的，女同事Ｓ叮囑我一定要搭，點知．．．晴天霹靂，去到竟然知道沒有小火車直達阿里山＠＠ 因為９月颱風的關係．．．奮起湖往阿里山一段支線被破壞了，需要暫時停駛，只有往奮起湖的支線仍然運作。想搭小火車，唯一方法就是到奮起湖再轉車去阿里山，車程耐不突止，仲要等到３點幾先有車＞＿＜
冇辦法之下，唯有諗別的交通工具。咁o岩遇到兩個香港人，佢地都係去阿里山，於是就一齊join 10人VAN上去。預先買了回程的小火車票，就上10人VAN了～
平時去阿里山要３．５小時先到，但係搭VAN仔，２個鐘都唔洗就到了～勁快！而且價錢唔貴，如果我冇記錯好似只係ＮＴ３２０一個人～中途有一個中途站停車休息左一陣，我地無聊就入左萊爾富參觀。（註：萊爾富是台灣很出名的便利店之一）
乘載我們的10人VAN
到左阿里山，我們首先去神木賓館check-in。原來我們太早到了，未有得check-in住，所以我地決定放低行李出去玩完先再返o黎。
第一件事梗係去醫肚啦～我地最唔餓得架哪！ｈａｈａ～我地去左九九九餐廳食，手信店老闆娘推薦的！唔知係咪因為高山症影響，我一上到阿里山就好頭痛，好彩隨身帶備止痛藥，食左先冇事乍。如果唔受得氣壓o既人都記住帶ｄ panadol，以備無患。九九九餐廳以食小菜及火鍋為主，我地點左幾個小菜，都幾好味～
除了九九九餐廳之外，還有別的餐廳選擇。
日出有大美，是一間食物比較西化的餐廳。這個餐廳有一個愛情故事的，由踏進餐廳那一刻開始，你會從細微的東西知道，我喜歡她的用心。
除了故宮之外，阿里山都有間星巴克。
然後我地就去買手信，格過價之後，大統一特產係最平o既。
來到阿里山，當然不少得高山凍頂烏龍茶做手信
老闆娘請了我們喝幾杯，真是甘甜得很
靚的茶葉才會有三片葉的
可愛的手製陶瓷公仔，用來做手信也不錯。
買完手信，我們往上走，來到了阿里山火車站。
到了車站不久，變得越來越大霧，能見度只有5個車位
下午這裡上演了一場鄒族歌舞表演，很是精彩！
最後一幕主持人仲邀請埋觀眾一齊跳呢～
欣賞完歌舞表演，我地返神木check-in。神木門外停泊了一輛觀光車，很醒神呢~
特大的窗子，乘坐它觀星，一定好正o者~
酒店外形好討好，唔知裡面係點o既呢？酒店是冇lift的，我地間房位於最高層，拎住咁多行李行上去，都咪話唔辛苦！到左４樓，以為已經到左頂樓，點知隔離仲有條小樓梯往上走。小樓梯鋪了紅地毯，感覺我們好像榮升了做貴賓。一步一步走上去，５１６，是走廊的盡頭那一間。大門一開，令我眼前一亮！之前search過好多間阿里山的飯店，睇相的，漂亮稱不上，只可以揀ｄ冇咁樣衰的。差唔多o既價錢，比較過之後揀左神木賓館，一直都冇咩期望。點知依間房．．．令我們喜出望外！
休息了一會，寫了幾張名信片，打算出去寄。來到了全台灣最高的郵局，建築很有特色！
欣欣民宿旁邊有一個大火車頭，是拍照的好地方啊～
經過萊爾富，好奇的進去看看台灣的產品。
食左個近來好ｈｉｔ o既關東煮，飲左盒台式奶茶，睇左一篇關於眠月支線復駛的報導。
跟住又俾我地發現馬拉桑ＸＤ
走餓了，我們又找地方醫肚。郵局對面有兩家食店，各有千秋，兩家都來拉客，都唔知揀邊間好＠＠最後揀左幫我地拍照那間。我們點了一客阿里山好出名的「石頭鍋」，其實即係打邊爐大雜會。味道冇咩特別，不過凍冰冰，打邊爐就最暖身～
下一篇
沒有留言:
張貼留言