預防高山症藥: 紅景天 vs diamox

B小姐好關心「高原反應」o既問題, 所以特別做左好多準備功夫。
搵到資料就係度公諸同好, 希望有更多人得益啦~~

有關預防高山症/高原反應o既藥, 分別有西藥及中藥可供選擇

西藥: diamox
出發前1~2日開始服用, 直至行程完畢為止
劑量: 每日3次, 每次一粒 或 早晚各一粒
副作用: 手震, 急尿, 口乾, 舌頭可能有少少痺痺地
備註: 需要醫生處方才能購買, 並非個個藥房都有

中藥: 紅景天
出發前一星期開始服用, 直至行程完畢為止 (入高地後如狀況良好，可停服或食埋啲貨尾), 如去西藏等高原地方, 需要提前兩星期服用。
劑量: 不同藥廠出的份量不同, 一般最常見為每日2次, 每次2粒
副作用: 暫時未發現

西藥快d, 但有輕微副作用; 中藥慢d, 不過紅景天成份較天然, 是西藏人常用的保健食品, 主治耐缺氧、抗疲勞。

至於價錢方面...香港可以在裕華國貨/華潤堂找到, 不過價錢會比國內貴3~4倍! 如果有時間, 建議去國內買好d, 深圳廣州價大概由28元-50元一盒(24粒)。



牌子方面, 有一隻老牌子比較廣為人認識, 係青海出o既「三普牌」, 好多人都食依隻~

http://www.600869.com/new/product2_2.asp


V小姐前日返大陸買, 深圳同仁堂賣￥46.8一盒, 24粒。不過搵唔到三普牌, 只係得兩隻, 一隻西藏出o既「央科牌」, 另一隻係雲南出o既「諾迪康」。兩者之間, 估計西藏出o既應該好d, 所以就買左央科。

【中文名称】 央科藏域牌红景天胶囊
【批准文号】国食健字G20050750
【生产厂家】西藏央科生物科技有限公司
【功效成分】每100g含：红景天苷 400mg、总皂苷 430mg
【主要原料】红景天、沙棘、西洋参、枸杞子、葛根、刺五加
【产品规格】0.3g／粒
【保质期】24个月

其實依d牌子都話唔埋邊隻好d, 因為隻隻都有人食過, 功效都OK, 好難比較。
不過較出名的係三普, 其次就係高原安﹑央科﹑諾迪康...等等(排名不分先後)。

其實我地已經遲左食, 不過今次唔係一下子就上好高o既地方, 所以計返條數, 而家食都OK~

有關紅景天的參考link
http://www.travellife.org/thread-29196-1-1.html
http://www.baby-kingdom.com/forum.php?mod=viewthread&tid=3719834&extra=page%3D1&page
http://family.saycoo.com/viewthread.php?tid=167325
http://hk.myblog.yahoo.com/jw!i3t_.oiRGBqsiyKgrZ6AdmEJYQ4-/article?mid=7559



最後, 綜合咁多資訊, 我總結以下Tips俾大家。

1) 出發前千祈唔好感冒, 因為感冒會增加高原反應的不適。

2) 上到高山地方緊記保暖, 最重要係個頭! 因為山上大風, 好容易吹到頭痛, 令你誤會果d係「高原反應」。

3) 去到當地唔好用太熱的水沖涼, 暖水就好了, 因為太熱的水會令身體水份流失, 容易引起高原反應。

4) 當地酒店28度以下都唔會開冷氣的, 只會開暖風。如果去到高地酒店覺得焗, 不防開少少窗, 但keep住暖風開著令到空內空氣流通。睡前放一杯水/濕毛巾在床頭, 咁你會瞓得舒服d。

5) 坐長途車時避免瞓覺, 因為睡眠狀態時身體會吸收更多缺氣, 在高山地區容易引起不適。

6) 隨身攜帶純朱古力(可可成份65%或以上, 越高越有利, 不過食唔到太苦都唔洗勉強), 葡萄糖粉(沖水飲), 葡萄糖糖果...等零食, 有補充體力之用, 有效減少缺氧情況出現。

7) 到高原地方買定一枝氧氣傍身, 以備不時之需。

8) 高地空氣稀薄, 任何動作都慢一點, 說話細聲一點。

9) 出發前定去到當地都保持充足睡眠, 有足夠休息後, 高原反應都會減少好多架。