時間方面, 最佳的接駁時間是:
07DEC MH073 HKG-KUL 14:35-18:20
07DEC MH177 KUL-MLE 20:45-21:55
10DEC MH176 MLE-KUL 22:45- 06:15+1
11DEC MH072 KUL-HKG 09:15-12:55
其實轉機去馬代, 香港有好幾家航空公司選擇, 最熱門的是星航、馬航, 冷門的是斯里蘭卡航空或阿聯猶航空。各有優點缺點, 陣間講講~
點解星航馬航最多人揀? 因為香港人最熟悉, 星航出名舒服, 去程還可選乘A380空中巴士; 至於馬航, 票價方面馬航比星航平少少, 時間就差唔多, 都係下午機去, 晚機到達, 回程晚機去, 翌日中午抵達香港, 分別在於中間的等候時間, 馬航會耐少少。貪心一點, 又可免費停留新加坡或吉隆坡, 順道來個雙城遊! 仲有一樣好處, 就係馬航星航有豐富馬爾代夫航線經驗, 萬一發生突然事件如航班delay, 天氣突變等, 她們的backup plan會好d。
至於斯里蘭卡航空, 在科倫波轉機, 可以玩埋而家最新旅遊點斯里蘭卡。時間冇咁好, 又冇咁多機, 勝在夠平, 啱晒有時間冇錢嘅學生哥。
阿聯猶航空, 時間認真麻麻, 因中間等候時間極耐, 但若配合杜拜一齊玩, 時間就好good, 去程先停杜拜玩幾日, 再飛去馬爾代夫果班機係中午到達, 剛剛好夠鐘check-in。價錢就最貴, 但一次過玩兩個城市, 旅程更豐富。
＊ ＊ ＊ ＊ ＊
講返馬航, 今次要坐四程機, 架架機都有d唔同, 等我分開四段慢慢講。
第一程【香港-吉隆坡】
採用大機, 座位以2-5-2 排列, 寬闊舒適, 不過明顯有點舊。空姐穿著富有馬來特色的制服, 典雅又漂亮。飛機餐係用金屬餐具, 令我感到意外, 已經多年沒有出現過了! 光是這樣已看得出她的歷史, haha。輪到機上娛樂設施, 雖然不是"MUST", 但我也會特別留意這項, 尤其乘坐長途客機, 沒有一兩套電影打發時間確實有點悶的。每人有一個MON, 熒幕沒有touch screen, 遙控是由扶手旁拿出來。數目都唔少, 不過全部也是英語的, 沒有香港電影。卡通片會有中文字幕。目錄是全英語, 有點難睇, 因為無論是印度片、國語片、日本音樂等等, 它都是顯示英文, 有時只靠看圖識別, 若能加入原本的語文會更好。因電影唔太啱睇, 所以都是看Travel Channel及聽音樂。音樂方面選擇超多, 來自多國的音樂大碟可供選擇。
第二程【吉隆坡-馬里】
最新的波音747客機, 座位以3-3 排列, 屬細機。皮座椅舒適, 娛樂設備亦是最先進的, 除了有touch screen外, 還有港人恩物USB叉電插!!!! 可以為電子產品加加油。美中不足是座位超窄, 逼得連行入去都有困難! 飛機餐很豐富, 不過口味唔夾, 唔太啱食。晚上在飛機上看到美麗星空, 可能部機夠新, 所以窗子也挺清晰的! 能夠在水平線看到星星, 又多又亮, 那一刻我呆住了。。。簡直感動得想哭, 要好好記住這一刻!
第三程【馬里-吉隆坡】
這段最慘, 又逼, 又沒有電視 (雖然我全程都在睡覺), 又沒有USB叉電器。座位一樣以3-3排列, 娛樂節目由中央熒幕播放, 其他東西沒有留意太多, 因為我由上機瞓到落機。建議一定要帶「長途機三寶」, 即頸枕、眼罩、耳塞, 真的好好瞓。
第四程【吉隆坡-香港】
和去程第一段機一樣, 2-5-2 排列, 不過這部機新d。飛機餐幾豐富, 飯條仲有Magnum雪條食, 好surprise!
＊ ＊ ＊ ＊ ＊
總括而言, 本人也算滿意是次馬航的空中體驗。相對起直航美佳航空, 馬航的座位較為舒適, 食物方面也較優秀。如果有沙嗲不妨一試, 幾好味的~ 馬航連續6年獲頒5 Star Airline, 備受肯定。還有一個消息帶俾大家, 最近宣佈2013年2月開始加入寰宇一家（oneworld）是全球第三大的航空聯盟。「一個票價」, 帶你自由穿梭各聯盟成員的飛行網絡, 縱橫700個城市, 是商務與旅遊人士跨越全球的首選。
現時 寰宇一家 的成員有:
American Airlines, British Airways, Cathay Pacific, Finnair, Iberia, JAL Japan Airlines, LAN, Qantas, Royal Jordanian, S7, Air Berlin
只要訂到指定Class, 就可以以一個票價, 穿梭五大洲。
沒有留言:
張貼留言