2009年8月11日 星期二

港鐵 - 東西鐵相連

好消息呀! 港鐵的東鐵線和西鐵線路將於8月16號正式相連了~~~

西鐵線將伸延至紅磡, 多左兩個站, 一係柯士甸站, 二係尖東站
尖東站? 乜唔係一直已經有呢咩?
係呀~~不過尖東站將會由原先o既東鐵線, 轉去做西鐵線o既站之一。
而紅磡將成為東﹑西鐵線的總站。
如果大家以後由沙田﹑大埔等地方搭去尖沙咀, 就麻煩大家在紅磡落車轉一轉線了。




新o既線路開通左之後...住在新界西北區的人有福了~~
乘坐西鐵線出九龍, 最快只需22分鐘, 住屯門o既遠少少, 不過都係33分鐘o者



如果開埋上環至西營盤及堅尼地城等線路, 香港就真正稱得上四通八達了~~
(其實而家都好四通八達啦~)

2009年8月10日 星期一

澳門有咩美食介紹?

曾經答過一個Blog友o既留言, 一口氣答左好多我o既心水餐廳~
為左方便大家搵, 我就轉貼在新版啦


.葡國餐廳我介紹亨利美心亞利咖哩屋同埋tum仔的山度士葡國餐廳,亨利美心個非洲雞一定要試,非常好味!至於tum仔的公雞葡國餐館我覺得麻麻,服務又差,唔建議去。

.想食豬扒包,千祈唔好去大利來,而家已經名過於實,反而金馬綸咖啡餅店,食過幾次都keep到水準。

.皇冠小館的蝦籽撈麵蝦籽超多,麵質彈牙,唯一唔好是太出名,所以好貴!$3x~4x一碟。

.小食方面,沙度娜的木糠布甸,口感像雪糕。

.果欄街的榮記豆腐花,非常滑溜。

.tum仔地堡街魚翅湯麵,我個人都覺得幾好的。不過千祈唔好去附近o既咖哩文, 我未食過咁難食o既咖哩牛腩麵的>_<

.由台灣帶入澳門的帝均胡椒餅,味道特別,很多肉汁,新鮮出爐吃超好味!
新馬路的瑪嘉烈葡撻都好味,唔想去到路環安德魯咁遠的好選擇。


暫時仲未有圖同埋地址住...遲d有時間先慢慢介紹~~
你地去openrice澳門版, 輸入間餐廳o既名, 相信就會搵到你地想要o既資料, 希望以上資料對去澳門玩o既朋友仔有用啦



終於寫晒華東o既遊記!

呼...用左兩日時間, 終於完成埋其餘3日o既遊記, 真係寫死我......
有興趣o既話可以去依度睇, 真係嘔心瀝血呀......
華東日全蝕之旅 網誌全紀錄

經過咁多次旅行之後...我發覺, 有遊記一定要在旅行回來後一星期內寫完。
所以今次我一早在頭一星期寫5日的遊記, 跟住先利用餘下來的weekend, 揀相, 執相, upload相, 到正式post o既時候再加番d補充。我發覺咁樣寫遊記真係快好多同埋冇咁煩。

華東寫完了, 台灣最後果3日仲一路拖......死唔斷氣咁! 因為拖得越耐...記憶就越模糊, 記憶越模糊...就越唔想寫! 我決定今個月內要完成晒所有台灣o既遊記, 等我呀!


2009年8月9日 星期日

華東日全蝕之旅 - 網誌全紀錄

華東日全蝕之旅 - 網誌全記錄




遊記篇


華東日全蝕之旅 Day5 (同仁堂, 天祿城, 濱江大道)

Day5 (2009-7-23)
今日行程:上海 [同仁堂﹑上海環球金融中心﹑天祿城]

終於來到最後一天, 這天我格外準時, 7點9便落到餐廳食早餐, 平時我一定是最遲的一個, 阿Bob見到我好出奇, 以為係見鬼。

點解咁神心? 其實係因為我之前上網聽過人講依度d早餐好好味, 所以我特登早d起身食XD 不過我錯了, 早餐選擇好多, 但好吃的冇乜幾多......只能說:「國內人的口味真獨特」

KittyLab試玩日

KITTY LAB Hello Kitty進化啟動





因為工作關係, 所以尋日我地有免費飛去試玩KittyLab~~
係咩o黎? 其實這是一個每年一次的大展HelloKitty展覽, 每年7~8月都會在九龍灣展貿舉行。

上年o既主題係Black Wonder, 故事講述HelloKitty同Dear Daniel俾Kuromi捉左, 因為Kuromi妒忌HelloKitty個蝴蝶好靚。我地就要透過解碼遊戲過關救Kitty。

而今年個主題就係Kitty Lab, 講Dr. Kitty在實驗室內創建模擬城市, 進入城市, 獲取Kitty ID o既同時, 並啟動Kitty進化程式, 實現育成工程。透過每一個遊戲, 育成一隻你心中與別不同的Kitty。展覽由8月13號至8月30號, 門票現已在城市電腦售票網公開發售。

欲知更多詳情, 可以去KittyLab個官網
http://www.kittylab.com/



由第一年Secret House, 第二年Black Wonder, 到第三年Kitty Lab, 我都有參與其中不過比較之下...今年個Booth好似冇上年咁靚喎!


估唔到試玩日都有咁多人排隊......
我仲以為我好尊貴tim...



展覽講明唔俾影相, 但係人人都照影, 我當然唔會咁乖啦


一入場, 每人有一張地圖同一隻Kitty雲, 用來玩遊戲紀錄用的。





Kitty雲會面紅, 仲會變色的, 好可愛呀^^

場內有好多大大隻公仔, 超可愛>v<






全城有 14 個 check point, 可玩育成 Kitty 遊戲則有 10 , 如 Daniel 旅行社、草莓病院、KT 車站等等, 其餘四個 check point包括哈囉鐵塔、Kuromi 劇場等等。人人第一站都是草莓病院, 所以最多人, 排隊排得最耐...之後就會將d人分流到其他唔同o既區域, 我地要根據每一個遊戲o既結果來決定Kitty的身份, 無論係佢o既身高, 髮型, 飾物, 星座, 朋友, 都係由你來決定。不過嬴左先有得揀, 輸左就冇得揀。










玩到最後...每人就得到一張育成卡, 記錄你所育成的Kitty。

哈哈, 睇下A先生隻Kitty(右), 個樣勁怪呀, 從Kitty外表, 不難猜到他有幾憎Hello Kitty 不過我隻Kitty都唔好得去邊, 哈...

完場後, 到達紀念品會場。
今年o既紀念品好靚, 雖然我唔鍾意HelloKitty, 但係我都買左一把遮做手信。


離開會場後, 我地就去到照相館, 睇番之前影果張相~~
相信有玩開o既朋友, 都會知道這是入場後指定動作
今年張相好靚~~~除左相框靚之外, 仲有一張貼紙俾你自己加工, 就好似玩貼紙相咁!
承惠$50大元, 不過留個紀念都okay o既~~


更多更多有關KittyLab的報導 (有更多圖)
http://orientaldaily.on.cc/cnt/lifestyle/20090803/00315_001.html
http://hkmagazine.org/client/next_view.php?mag=ketchup&submag=ketchup&issue=112&art_id=12983465
http://ladies.sina.com.hk/cgi-bin/nw/show.cgi/139/4/1/367896/1.html

517期 直擊試玩Hello Kitty Lab (video)

http://www.youtube.com/watch?v=cVdT3hT4418


華東日全蝕之旅 Day4 (夜遊黃埔江)

Day4 (2009-7-22)

今日行程:蘇州 [盤門景區觀世紀日全蝕] ﹑ [絲綢廠]--上海 [新天地廣場﹑石庫門﹑城隍廟(上海老街)﹑南京路﹑外灘﹑夜遊黃埔江(自費)]

夜遊黃埔江即係坐船睇夜景, 黃埔江, 就好似香港的維多利亞港, 兩岸建築物臨立, 晚上大廈都亮起燈,燈火閃爍, 份外美麗。在香港都未試過坐觀光船遊維港, 天星小輪就坐得多! 上海o既夜景原來好靚架, 特別係東方明珠塔! 可惜我部機唔靚, 下面o既相已經係極限~~