華東日全蝕之旅 Day4 (夜遊黃埔江)

Day4 (2009-7-22)

今日行程：蘇州 [盤門景區觀世紀日全蝕] ﹑ [絲綢廠]--上海 [新天地廣場﹑石庫門﹑城隍廟(上海老街)﹑南京路﹑外灘﹑夜遊黃埔江(自費)]

夜遊黃埔江即係坐船睇夜景, 黃埔江, 就好似香港的維多利亞港, 兩岸建築物臨立, 晚上大廈都亮起燈,燈火閃爍, 份外美麗。在香港都未試過坐觀光船遊維港, 天星小輪就坐得多! 上海o既夜景原來好靚架, 特別係東方明珠塔! 可惜我部機唔靚, 下面o既相已經係極限~~

這四棟大廈暫時係全上海最貴的住宅, 每間三千萬。但係唔係你有錢就買得架, 要你身家清白先可以, 你知大陸好多人好有錢, 但係好多人都係貪番o黎。

唔講唔知, 原來東方明珠塔上面有酒店的, 不過只得4間房, 唔係話特別靚, 都係普通一間房, 但係物以罕為貴, 想住要排到3年後, 真係誇!

班男仔對依棟「震旦」大廈充滿興趣

又豪華又有氣勢的「金龍船」

依程船搭左好耐, 行得好慢, 兩岸比較, 我覺得浦東的夜景比較靚。但係講到靚, 上海都係唔夠香港o黎o既!



上海為了下年的世博, 許多路到封晒, 新的酒店陸續興建, 舊的酒店紛紛裝修, 大家誓要成為全上海最漂亮的酒店! 看見地盤的範圍, 就睇到世博會佔地之廣, 大家想睇最靚o既上海, 2010年來吧! 到時上海將會給你煥然一新的感覺。

臨落船, 我們同大福合照。依個導遊真係好好, 講左好多故事俾我地聽, 唔買野又唔會黑我地面, 佢成日都好開心的, 連我地都被感染了。






最後一晚, 我地入住嘉定區的唐朝酒店 http://www.greattanghotel.com。這酒店離市區超遠, 要搭一個鐘頭車, 就像香港的元朗天水圍。但是這間酒店是4晚之中最好的! 房間設備新穎, 電視也是最大部, 浴室又乾淨又大, 實在令我十分驚喜! 酒店位於賽車場附近, 是每年F1賽車比賽指定入住的酒店。

唐朝酒店的大堂

精品店門外的圖章雕刻

水蛇春咁長o既上海世博市民素養守則, 佢地好鍾意寫七言絕詩

上海都係沿海城市, 估唔到日夜溫差會咁大!

大床有碌, 好容易可以拍埋

我最鍾意個廁所, 勁大!! 而且係乾濕分離, 又好乾淨!

終於見到LCD平面電視了...仲好大tim, 感動T^T

最後一晚, 酒店是最好的, 可以好好休息。
明天旅程便要完結, 有點不捨得...唔想返工呀......



下一篇
華東日全蝕之旅 Day5 (同仁堂, 天祿城, 濱江大道)