華東日全蝕之旅 Day3 (錫惠公園：寄暢園，惠山寺)

Day3 (2009-7-21)
今日行程：無鍚 [錫惠公園﹑寄暢園﹑太湖風景區(珍珠館)﹑紫砂茶具專門店]--蘇州 [寒山寺]

今天一樣7點3 morning call, 7點9食早餐, 8點半上車。今天第一站是錫惠公園的惠山寺及寄暢園, 以前乾隆皇帝最喜歡來這裡避暑喝茶。

大家睇唔睇到牌扁上寫著「江南第一山」?
這是乾隆皇帝親筆提的。

一進去, 就看到「哼」「哈」二將兩個天神。

以前唐朝有個官, 佢好鍾意依度, 特登係度起左個避暑山莊。
乾隆有一次微服下江南, 偶意來到依度, 就非常鍾意!
於是之後成日o黎依度用天下第二泉o既泉水泡茶, 避下暑。
到佢退左休唔再做皇帝, 都周不時o黎依度玩架。

(以上資料有可能出錯, 因為B小姐是一個聽少少就吹晒成個故事出來的人)

她是可愛的無錫導遊小姐, 佢廣東話講得好好, 介紹景點又夠詳細, 講左好多歷史俾我地聽。不過我地有時跟唔切, 又掛住影相, 所以就聽得一知半解, 哈哈!

這個叫做「鳳谷行窩」, 是這個官的渡假屋。皇帝住o既叫「行宮」, 因為當時只有皇宮入面先可以用依個名, 其他人用會被斬頭, 所以依個官就將佢改名做「行窩」。

又是乾隆的筆跡, 佢一開心就會寫字, 所以到處都是佢o既筆跡, 一d都唔罕見。
反而康熙o既筆跡就罕有哪~

以前d人生仔就會種櫸樹, 希望個仔可以中科舉。如果生女呢, 就會種一棵橡樹, 等佢第時嫁o既時候, 就會斬左棵榭做裝嫁妝的木箱。以前d人唔會咁直接問人地個女嫁左未, 自己走去後花園望下棵樹斬左未, 就一清二楚, 又可以避免尷尬o既情況出現, 真係聰明!

寄暢園入面真係好正, 有山, 有水, 有魚, 有橋, 有小亭。
點解乾隆咁鍾意依度, 要叫佢做「江南第一山」? 因為遠處果度有個山仔, 上面有個塔。在樹叢之後有個小山, 望落就好似個花園好大咁!

這條叫做「八音澗」, 沿著步行會聽到8種聲音, 有流水聲, 雀仔聲, 風聲, 蟲叫聲......唔記得仲有咩聲, 最後一個聲, 竟然係乾隆自己的心跳聲, 唔會卦...

走完「八音澗」, 就來到惠山寺。

入面又有4個天神, 佢地係「風調﹑雨順」~~

這棵樹叫做「18羅漢樹」, 話說棵樹明明係雄樹, 但竟然結果子, 仲竟然一結就結18粒, 不多, 也不少, 人人都覺得是佛祖顯靈, 其實是返古現象。

Cody拍得很美的一張荷花照(定係蓮花?), 我偷左o黎用, heehee

放低十蚊人仔, 就可以敲三下鐘

依棵樹好得意, 佢被斬左一半之後, 自己竟然識得生番另外果半出o黎!!!
細心睇下棵樹係唔同色。

這裡除了有「江南第一山」的美譽外, 還有「天下第二泉 - 惠山泉」, 乾隆皇帝最喜歡用這裡的泉水泡茶。

可惜經過咁多年, 而家d泉水已經受到保護, 唔係俾人飲架哪。(同埋已經差不多乾涸了, 果日去到只見到仲有5cm深)

天下第二泉是無錫的惠山泉
天下第一泉是北京的玉泉, 天下第三泉則是杭州的虎砲泉。

睇完天下第二泉, 已差不多到尾聲~~我們在周圍閒逛拍下照。
這兩位伯伯在捉棋, 真係悠閒~~

又是Cody拍的, 很喜歡

泥人工藝興盛於乾隆、嘉慶年間, 樣子好趣怪架^^

導遊大福送俾我地每人一對泥人公仔, 雖然個樣好核突, 但小小禮物, 已經令我好開心^_^



下一篇
華東日全蝕之旅 Day3 (太湖珍珠館)