為左方便大家搵, 我就轉貼在新版啦
．葡國餐廳我介紹亨利美心，亞利咖哩屋同埋tum仔的山度士葡國餐廳，亨利美心個非洲雞一定要試，非常好味！至於tum仔的公雞葡國餐館我覺得麻麻，服務又差，唔建議去。
．想食豬扒包，千祈唔好去大利來，而家已經名過於實，反而金馬綸咖啡餅店，食過幾次都keep到水準。
．皇冠小館的蝦籽撈麵蝦籽超多，麵質彈牙，唯一唔好是太出名，所以好貴！$3x~4x一碟。
．小食方面，沙度娜的木糠布甸，口感像雪糕。
．果欄街的榮記豆腐花，非常滑溜。
．tum仔地堡街魚翅湯麵，我個人都覺得幾好的。不過千祈唔好去附近o既咖哩文, 我未食過咁難食o既咖哩牛腩麵的>_<
．由台灣帶入澳門的帝均胡椒餅，味道特別，很多肉汁，新鮮出爐吃超好味！
新馬路的瑪嘉烈葡撻都好味，唔想去到路環安德魯咁遠的好選擇。
暫時仲未有圖同埋地址住...遲d有時間先慢慢介紹~~
你地去openrice澳門版, 輸入間餐廳o既名, 相信就會搵到你地想要o既資料, 希望以上資料對去澳門玩o既朋友仔有用啦
Thanks so much..
回覆刪除[版主回覆08/11/2009 23:30:00]you are welcome
哇！下次去澳門自由行要睇呢篇網誌啦，正呀！咁多貼士，唔洗自己亂衝亂撞，Thankyou 哂！
回覆刪除[版主回覆08/13/2009 23:37:00]唔洗客氣~~ 其實我只係寫左好小
我覺得去澳門一定要食"富士葡式美食"r 係水坑尾街架~因為實在太~~~好食啦~~ 仲有"李康記"既豆腐花都好正r~~~~ 仲有一個係議事亭附近既"小上海"賣既鍋貼， 可以一隻隻咁買既，都係十分好味r~~~ 講起都想去食啦 haha
回覆刪除[版主回覆08/17/2009 23:47:00]多謝你報料呢~~~有機會我一定會試^^ 聽到我都流口水....
多謝你啊!!!!!!!! 我問完你之後，我真係有去食美心亨利呀，個非洲雞REALLY GOOD!
回覆刪除仲有豆腐花呀 葡撻呀我都有去食呀!!!! 講講下我而家都想再食過!
[版主回覆08/30/2009 21:06:00]^^係呀哩~~~亨利美心非洲雞真係好正架~~~個汁用o黎送飯點包都好正!
我是澳門人. 每次搭巴士經過大利都覺得佢好呃錢. 呃遊客錢.
回覆刪除[版主回覆02/14/2010 21:59:00]冇錯! 大利真係唔同晒, 冇左企業良心, 好呃錢