華東日全蝕之旅 Day4 (蘇州日全蝕 - 見證歷史性的一刻)

Day4 (2009-7-22)
今日行程：蘇州 [盤門景區觀世紀日全蝕] ﹑ [絲綢廠]--上海 [新天地廣場﹑石庫門﹑城隍廟(上海老街)﹑南京路﹑外灘﹑夜遊黃埔江(自費)]

晨早5點3便morning call, 6點半便上車, 趕去蘇州盤門景區。

領隊派發的日全食專用眼鏡

剛到步天色都勉強ok, 間中都見到太陽的踪影, 可惜天公不造美, 天色越來越昏暗, 後來便下起雨來! 等呀等, 等呀等, 雨越下越大。

又有個吳字o既? 唔知有咩意思呢?

這是瑞光塔, 不過幾日看過咁多不用o既塔, 已經冇咩感覺了

曾經, 我們看到太陽的踪影...

盤門景區, 景色都幾靚丫~~對面的平台就是中旅社聚集的地方, 那裡有多個天文器材。雖然果邊多人熱鬧d, 但我們選擇留在這邊。

在湖邊的小亭, 我們看到一班公公婆婆在唱歌, 他們的歌聲嘹亮, 令到現場好有氣氛。不過我心裡面有個疑問...「他們是唱緊求晴歌嗎?」
http://www.youtube.com/watch?v=XkdGjHmQkgo

這幾天買過的其中三把扇

樹葉上都結滿露珠

過了大半個小時...天色開始昏暗, 還下起毛毛細雨, 我們見勢色不對, 都去番過對面避雨。

去到那邊, 雨越下越大, 又多人又焗, 冇咩位俾我地坐。我提議走到附近的涼亭坐低。這個亭有幾個公公婆婆坐在那裡, 我地坐另一邊, 一齊等日全蝕的來臨。

亭外望出去的太陽和月亮形平台

導遊向大家派發的雨衣

等呀等, 等呀等, 雨越下越大。天色冇好過仲黑左好多, 大家都露出失望的表情

等到9點35分, 太陽開始被月亮一口一口地直至完全吃掉, 天色瞬間由光變暗, 大概30秒左右, 天已全黑。應該已達到「食甚」的一刻,

可是我們一舊類似太陽的物體都看不到, 只看見厚厚的雲層! d雲吃掉了太陽, 好大食呀, 哈哈! 過了不知幾分鐘, 天色又開始慢慢變光,

很快又回復了白晝。

天空全黑時之景況...(日全蝕幻想圖)



這是我拍攝的天空由光轉暗的短片


雖然我看不見太陽, 但是我見證了這個歷史時刻, 亦親身感受到現場的氣氛。500年一遇的世紀奇觀, 我總算感受過, 都滿足了。今次睇唔到, 咪下次囉, 最多去遠d o既o者。

未來出現日蝕年份:

　2010年7月11日　南太平洋、智利及阿根廷上空

　2012年11月13日 澳洲及南太平洋上空

　2013年11月3日　大西洋及非洲上空

最多我2012年去澳洲睇多次, 看到o既機會應該較大。

在涼亭等待的期間, 認識左一對蘇州公公婆婆, 同佢地傾左好多計~~
佢話盤門景區唔靚架, 是人工的, 唔明點解旅行團會帶我地o黎。咁我問佢邊度先至靚呀? 佢話虎丘同拙政園先至係蘇州最值得去o既地方, 叫我地一定要去~~另外佢都有話杭州最好就係去靈隱寺, 都是好好去的地方。同婆婆傾計好開心, 感受到蘇州女子說話真的很溫柔, 運婆婆講野都是特別溫柔的。



下一篇
華東日全蝕之旅 Day4 (蘇州絲綢廠, 上海石庫門新天地)