AABB的家庭成員：鴨仔, 機車雞, 小熊b

今日想同大家介紹一下我地o既好旅伴~
A先生和B小姐去過咁多地方, 每年都有不少新成員加入, 同我地一齊遊山玩水。
佢地不單止係我地o既好朋友, 仲係我地o既御用model

首先加入的, 是鴨仔, 佢跟我地去過大梅沙, 華欣, 台灣, 曼谷, 是擁有最豐富的旅行經驗的大師兄。鴨仔最鍾意就係玩水, 所以有水o既地方, 就會有佢o既出現。

跟住加入的, 係機車雞妹妹, 我地在台中救佢返o黎的~整個台灣之旅佢都緊緊跟隨我地, 但係返到o黎香港, 就冇再帶佢去旅行, 真係有點慚愧:p

最近加入的新成員, 係小熊b, A先生特登派佢o黎tum我開心的。
小熊b身世好可憐架...佢係一個孤兒。佢d同伴生得靚, 身價不菲, 好快就被人領養晒, 因為佢天生mei咀, 所以俾人賤賣$9, 但係都冇人要...A先生搵左好多間零食物語先至搵到佢。因為我曾經讚過佢得意, 所以咁有緣之下, A先生就帶左佢返屋企。小熊b好乖, 每次佢見我唔開心都會錫番我, 所以我每日都會帶佢出街, 做我o既貼身保鑣。佢只係出左世幾日乍~~尋日我地帶左佢去深井玩, 佢玩得好開心。