華東日全蝕之旅 Day4 (上海城隍廟+南京路)

Day4 (2009-7-22)


今日行程：蘇州 [盤門景區觀世紀日全蝕] ﹑ [絲綢廠]--上海 [新天地廣場﹑石庫門﹑城隍廟(上海老街)﹑南京路﹑外灘﹑夜遊黃埔江(自費)]

城隍廟, 聽落以為像黃大仙廟一樣是廟, 俾人去求籤, 點知去到原來是一條又一條的老街。一下車, 嘩! 我好喜歡那裡!

建築物很美, 好多野睇, 好多野食。導遊話帶我地去食最好味o既小籠包, 我一聽到「小籠包」三個字, 立刻魂不符體, 隨隨緊貼導遊後面

A先生話:「咁多日第一次見到導遊個背脊, 你睇下你丫, 一聽到個食字就上晒身」
哇哈哈...真係慚愧, 平時行得最慢o既我, 突然都變得最快! 食o既魔力真係大!

係咪真係咁「回味無窮」先?

南翔饅頭店(右中), 不是吃饅頭, 而是吃小籠包的地方

綠波廊是名人飯堂, 很多名人都曾在此用膳

有相為證架~~

城隍廟只能逗留一小時, 我們要爭取時間吃所有美食!

我們一箭步衝上南翔饅頭店, 上到二樓, 佢叫我地上三樓。

一籠￥25/6粒, 本來打算叫兩籠, 一人食兩粒, 點知侍應話每人最低消費￥25。(後來才知道, 原來2樓最低消費是￥20, 3樓才是￥25, 唔怪得係咁叫我地上3樓啦) 咁就煩哪, 一人食一籠又太多, 今晚仲要食飯, 揀左好耐, 先至揀到一籠蟹黃(￥45), 兩籠蟹肉(￥25), 兩籠鮮肉(￥25), 再加多壺龍井茶(￥10)。

小籠包o黎哪>v<

期望大過預期, 這裡的小籠包皮較厚, 湯不夠多, 平心而論, 我覺得香港的鼎泰豐同埋翡翠拉麵小籠包好味好多! 究竟南翔饅頭店是否最正宗的呢? 是一個謎。我相信全上海一定會有比它更好味的。

吃完小籠包, 就去隔離吃寧波湯圓, 一碗￥10/8粒, 超抵食!但係其實唔係咁好食架乍~ 個餡好甜, 個皮唔夠薄。食完湯圓, 已經夠晒鐘! 跑番上車趕去下一站, 南京路。

雖然趕路...都要影下相o既^_^

街頭小吃

特色臉譜

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

南京路俾我o既感覺像旺角大街, 五光十色, 有好多野逛。
導遊推介張小泉賣刀品又平又好, 鼻毛剪￥5一個已經質素好好, 買鴨舌就去真老大房, 買其他手信就去第一食品商店, 質素最好。

真老大房(圖左)是買鴨舌最好的地方

張小泉賣刀品, 店內有一把一個人咁高o既大較剪!

入夜的南京路很美~~

東亞飯店

下雨天的夜景, 襯托著七彩繽紛的倒影, 似乎更多美麗

唔知依d係咩車o黎o既呢? 好似俾遊客坐o既觀光車咁o既?

上海第一食品商店, 其實是一個大型超級市場, 入面好大, 不同種類的食品手信都能在那裡買到。導遊話, 因為多人買, d貨去得快, 所以依度買o既食品質素是最好的。

一小時很快便過去, 又再走馬看花地回旅巴。阿Bob話:「我已經愛上左上海了, 下年我要一個人o黎5日!」來了上海幾小時, 便發現了一樣東西。上海的姑娘個個都很白淨, 身形瘦削, 條腿很修長, 而且十居其九都是美女。

下一站是乘船夜遊黃埔江^o^



下一篇
華東日全蝕之旅 Day4 (夜遊黃埔江)