華東日全蝕之旅 Day3 (蘇州：寒山寺)

Day3 (2009-7-21)


今日行程：無鍚 [錫惠公園﹑寄暢園﹑太湖風景區(珍珠館)﹑紫砂茶具專門店]--蘇州 [寒山寺]

欣賞完畢紫砂茶具專門店, 我們就無錫坐車來到蘇州的寒山寺。寒山寺位於蘇州閶門外楓橋鎮，因唐詩人張繼途經楓橋，寫下了「月落烏啼霜滿天，江楓漁火對愁眠，姑蘇城外寒山寺，夜半鐘聲到客船」的名句，把楓橋與寒山寺的優美意境融為一體成了千古絕唱，從此寒山寺的詩韻鐘聲千古傳頌，揚名天下。

用寒山寺為主題的唐詩, 我細個都有背過架~~

佢係正宗蘇州姑娘, 是我們蘇州行程的導遊。人地話蘇州姑娘好靚, 雖然我唔覺得佢特別靚, 但係佢講野真係幾溫柔的。

又是小橋流水, 真的看得令人心境平靜

「江楓漁火對愁眠」的「江楓」?? XD

其實依條河係「京杭大運河」o既一部份, 佢都有個典故架。

京杭大運河是世界上里程最長、工程最大的運河。由北京到杭州，貫通海河、黄河、淮河、長江、錢塘江五大水系,全長約1750公里。

隋朝有個衰皇帝叫隋煬帝(楊廣), 份人好咸濕, 後宮已經有佳麗三千都唔夠, 終日沈迷女色, 朝廷o既事全部都唔理。朝廷入面有好多大臣都好想刺殺皇上, 無奈佢身邊有太多臣子保護, 根本好難埋佢身。話說隋煬帝某一晚發左個夢, 夢到一種花, 佢醒左之後同左個大臣宇文化及講, 宇文化及話佢知, 原來依種花叫做瓊花。咁隋煬帝就問:「邊度可以睇依種花呀?」宇文化及話俾佢知:「中國只有一度地方有得睇, 就是揚州。」但係當時交通不方便, 去揚州是很遠的。宇文化及建議坐馬車, 騎馬, 坐轎等方法, 隋煬帝都ban晒! 佢話要坐船去, 於是就任命大臣立刻興建一條運河, 俾佢可以坐船好舒服咁去。

隋煬帝勞民傷財耗用了好多人力物力, 過左好多年時間, 運河終於起好。隋煬帝就任命下人打造一隻大船俾佢, 佢覺得自己一個人去冇意思, 要求帶多幾千個美女陪佢一齊去。依個皇帝真係好色得嚴重, 但係大臣都照佢吩咐做。後來佢真係坐住船從山陽（今江蘇淮安）去揚州, 但差不多去到揚州o既時候...就被宇文化及與叛軍殺死了。而隨船的幾千個美女, 就紛紛逃走到揚州, 而且走到各戶人家, 同人講「我嫁俾你丫, 你娶我丫」點解咁得意呢? 因為以前o既律例, 皇上如果死左, 佢d女人都一定要陪佢一齊死。因為果班美女唔想死, 所以就四散搵人嫁, 咁就唔會俾人捉去斬頭。
所以中國最多靚女o既地方, 唔係蘇州, 唔係杭州, 而係揚州。

依個隋煬帝一生冇做過咩好事, 唯一o既好事就係起左依條「京杭大運河」。
佢對中國南北地區之間的經濟、文化發展與交流，特别是對沿線地區工農業經濟的發展和城鎮的興起均起了巨大作用。

寒山寺的全景圖, 都幾大架~~~

話明係寺, 當然有些寶殿佛像等等給人供奉拜祭。紅色一條條的都是善信的願望與祈求, 佢地興掛在樹上的, 有d似大埔林村o既許願樹。

上面有個大鐘, 都係添香油就可以敲架哪。

這是白果樹

依個景驟眼係咪幾似日本京都呢? 導遊姐姐話, 每年4~5月, 寺前會開滿櫻花, 那時在這裡拍照, 真係可以「以假亂真」話俾人聽你去左日本架~~~

在寶塔下拍的大合照, 幾有氣勢!

d人鍾意拋d錢去屋頂許願我明白, 但係乜拋雪條棍同水樽都得o既咩?

((低炒)) 認唔認到邊個打邊個呢? XD

((高炒)) 依兩個估到哪掛~

太熱了, 一人一支雪條實在透心涼

我地見到好多表情趣怪的和尚石頭公仔, 爭相扮佢地影相XD

因為聽日要好早起身, 所以今晚好早就食飯, 又名為世紀日全蝕唔知乜乜大會。

我地今餐去左一間叫「吳地人家」的飯店吃晚飯

其實個場幾有氣派架

今餐所有中旅社的團友都聚埋一齊, 場面好墟堪。而且今餐飯都係食得最耐o既一次, 足足食左兩個鐘。上菜次序錯晒, 上上下主菜突然上甜品, 上完水果先上湯, d送好似食極都有咁。最正係魯鴨同埋豬手, 好好味~

食完飯, 入住最期待的酒店 - 蘇州春申湖酒店 http://www.cshrh.com/home.htm

可是最期待的, 卻令我最失望......
間酒店冇湖景, 而且個冷氣係前所未有咁熱!
其實中國實施了全國恆溫26度, 有d酒店會偷雞開低一兩度, 但係依間好明顯就係冇!  外面36度高溫, 房間即使26度空調, 其實都只係28度。全晚熱到飛起幾乎要裸睡! 奉勸大家千萬不要在炎夏入住蘇州的春申湖酒店, 雖然是5星, 但是這種熱度是不能接受的。

其實今晚住果間已經大過之前果兩間~不過裝修陳設還是一般

聽朝就睇日全蝕了....心情好興奮呢~~~>v<
不過...亦有點擔憂...
因為今日報章新聞都大字標題話: 「睇日全蝕, 杭州有機, 蘇州冇望」...
求求上天聽日點都要賜給我們晴天啊>.<


下一篇
華東日全蝕之旅 Day4 (蘇州日全蝕 - 見證歷史性的一刻)