今日行程：杭州 [西湖(包乘船)﹑孤山公園﹑秋瑾墓﹑龍井茗茶]--桐鄉(中國菊花之都)--著名江南烏鎮水鄉(自費)--無錫
跟住落o黎就係我期待o既景點, 烏鎮水鄉。你可能會同我一樣有個疑問:「點解唔去周莊水鄉o既? 」原來係咁o既, 周莊水鄉只有900年歷史, 但烏鎮水鄉卻有1300年歷史, 同埋周莊水鄉經過大裝修, 現已變得商業化, 所以已經唔好睇。
咁仲有西塘水鄉 & 同里水鄉呢? 導遊話, 「果d好細, 唔好睇o既!」
這是烏鎮水鄉的全景圖, 裡面真係非常大的啊!!!
船家停泊在岸邊, 可以包船遊水鄉, 相信別有一番味道。
不過我們沒有時間, 只可以用雙腳遊覽水鄉。
水鄉好美, 黃昏時候來格外美麗, 如詩似畫, 無論怎樣拍都是美。
不過我覺得, 水鄉入面其實很大, 很多歷史風土人情介紹, 活像一個博物館, 其實如果細心睇, 這裡可以玩大半天的, 兩個鐘實在不夠。
江南百床館
我最深刻就是介紹百床館, 由最古老的, 直到最貴氣的, 通通都有介紹。
因為現場環境昏暗, 很難拍得漂亮, 所以只揀左依3張俾大家睇。
離開百床館, 就開始介紹水鄉人的歷史風俗。
驟眼看以為是真人, 嚇死我!!
水鄉人的婚嫁禮儀
可愛的鞋子, 導遊話, 掛在自己家就可以招財(中國人真係幾鍾意財), 但千祈唔可以送俾人, 有不幸的意思
衫都有得賣, 不過款式就老土左d
cody 和 miki 在買手信
好大塊布, 唔知有咩用
這張我很喜歡呢~~~影得好靚
無論怎樣拍都是美, 好貪心影左好多張~~
「小橋」, 「流水」, 「人家」盡現在這張照片上
走完一圈了~~
臨走前在「烏鎮」牌扁前影左張大合照
看完水鄉, 我們前往無錫。
在車上無意中snap到的一張漂亮日落照
無錫是一個古靈精怪的城市, 到處都是花花碌碌的燈飾, 掛在樹上, 天橋上, 大廈上, 搞到好似聖誕節咁, 卻一點美感也沒有。
想知有幾奇怪? 睇片啦
http://www.youtube.com/watch?v=P2SkqxyCy0M
http://www.youtube.com/watch?v=5VXNXUMlrQU
由於行程有所調動, 原先上海的自費午餐改在今晚進行。可是在無錫, 有甚麼好吃呢??
在酒店安頓了之後, 我們搭的士出去中山路吃東西。我們分了兩架的士, 有的士就上車。卻從來沒有人提及, 中山路是很長的, 下車後哪裡集合呢? 是一個「謎」!
下車時8點9, 其實大家已經好肚餓了, 但是人找不到, 怎樣安心吃飯呢?
於是我們分頭找, 過了大半小時, 終於集合晒所有人。無錫人都是很懶的, 9點幾已經好多餐廳關了門。肚子餓到扁了, 都沒有好好分析, 求其進了一間吃台灣牛扒的店子就算。吃鐵板餐, 但是不好吃的。西湯是有中式湯味的, 意粉比較好一點, 牛扒就算是招牌我都覺得唔好食, 蒜蓉包味怪怪的。餐廳有冷氣=冇冷氣, 大熱天時吃鐵板燒, 就像一邊打邊爐一邊焗桑拿一樣, 沒有分別的。
好在大家都應該冇咩機會o黎依度食飯, 所以我都唔洗同大家講係邊哪:)
本來打算吃完飯順便逛逛街, 可是大部份舖頭都已經關門了, 只好回酒店。
美麗都酒店http://www.milido.com/default.asp是面積最小的一間, 可是感覺乾淨企理, 冷氣夠凍, 但是我會給他負分!!! 因為晚上的夜總會Disco聲實在太大。一段又一段速度很快而且很低頻的重BEAT嚴重干擾我神經, 隱約仲聽到有人唱歌, 令我沒法子安睡, 所以這一晚我是睡得很差的=.=
下一篇
華東日全蝕之旅 Day3 (錫惠公園：寄暢園，惠山寺)
沒有留言:
張貼留言