環遊17國拍婚紗照 ((轉載))

環遊17國拍婚紗照

拍婚紗照與度蜜月幾乎是新人的指定動作，美國新澤西州薩爾瓦熱夫婦（Jeff and Jennifer Salvage）索性將兩者融合，帶着婚紗走21萬公里路，踏遍17個國家自製驚艷結婚照。

薩爾瓦熱夫婦五年前在復活節島結婚後，隨即將婚紗放在背囊四處遊歷。斜陽下的埃及神殿、費城76人主場與巴黎艾菲爾鐵塔，所有名勝只為襯托太太珍妮花的媚態。珍妮花還在新西蘭玩滑翔傘，在冰島坐雪橇犬拉車，叫丈夫賈菲拍照時大傷腦筋。

英國《星期日郵報》  

資料來自: http://hk.apple.nextmedia.com/international/art/20130415/18228391

高雄義大世界 希臘情境主題樂園

Day 4.2  (30 March 2013) 高雄一天遊: 義大世界, 瑞豐夜市, 足藝泡腳會館

行程: 滿味香美食Brunch－義大世界－瑞豐夜市掃街－足藝泡腳會館

住宿: 高雄85大樓『85藍海』租屋主題套房

義大世界

義大世界, 如果只計樂園部份, 其實還細過香港迪迪尼。樂園有47個玩樂設施,當中不少也墈稱「全台之最」, 但其實三份一也是適合小朋友玩的, 只有三個「超級玩意」,而樂園中強調的「希臘悄境主題」聖托里尼山城也是比想像中迷你好多!

前往義大世界, 可乘地鐵到左營站再轉乘接駁客運。單程票價NT$37, 車程約30分鐘, 每隔20分鐘就有一班車。詳情: http://www.edabus.com.tw/

滿味香美食Brunch

Day 4.1  (30 March 2013) 高雄一天遊: 義大世界, 瑞豐夜市, 足藝泡腳會館

行程: 滿味香美食Brunch－義大世界－瑞豐夜市掃街－足藝泡腳會館

住宿: 高雄85大樓『85藍海』租屋主題套房

滿味香美食 Brunch

昨晚太夜瞓了, 我們今日個個都唔願起身, 竟然過份到11:30才集合食「早餐」!
昨天試過「阿嬤古早味」, 今天又鑽探暗巷尋訪隱世美食, 試了一間較現代的「滿味香美食」。看門面大概估到是食排骨和拉麵的地方。

高雄85大樓『85藍海』租屋主題套房

高雄的酒店, 平均比台北便宜, 選擇多D又乾淨D!
之前住過新堀江城市之星, 冇得彈! 3星級的價錢, 5星級的服務。
今次試試其他新酒店!


高雄85大樓『85藍海』租屋主題套房
在高雄最高地標85大樓內, 進駐了不少服務式住宅及民宿, 全部都價錢便宜, 但質素又不比酒店輸蝕。85藍海是其中一間比較大型的Apartment, 多達四十幾個房間, 全部都有獨特設計主題!

「酒店Lobby」位於12樓, 房間則分佈在其他樓層, e.g. 19/F, 24/F。

六合夜市掃街

Day3.4 (29 March 2013) 離開墾丁, 返回高雄, 西子灣旗津魚港, 六合夜市

行程: 阿嬤古早味Lunch－西子灣旗津魚港－南華觀光購物街 (新興夜市)－六合夜市掃街

住宿: 高雄85大樓『85藍海』租屋主題套房

六合夜市

南華觀光購物街 (新興夜市)

Day3.3 (29 March 2013) 離開墾丁, 返回高雄, 西子灣旗津魚港, 六合夜市

行程: 阿嬤古早味Lunch－西子灣旗津魚港－南華觀光購物街 (新興夜市)－六合夜市掃街

住宿: 高雄85大樓『85藍海』租屋主題套房

美麗島站  兩個夜市

是晚要去兩個夜市, 分別係新興夜市及六合夜市。眾所周知高雄有兩大知名夜市, 1為六合夜市, 2為瑞豐夜市, 另外還有其他冇咁出名的如勞工夜市, 新興夜市等。六合和瑞豐都各有特色, 前者街道闊落, 就是一條大直路, 所以受遊客歡迎。後者四四方方的設計, 裡面九曲十三彎, 道路較為狹窄, 假日尤其, 擠得水洩不通! 但裡面美食何其多, 又有野買, 又有野玩, 過千個攤位, 就算逼, 都要逼入去感受一下瑞豐的魅力!

好, 講返今晚個行程先, 首先去新興夜市行下, 再轉戰六合。兩個夜市都在好美麗嘅美麗島站! 天光滿是玻璃彩繪圖案, 是充滿藝術氣息的一個地鐵站, 如你看過一眼就唔會忘記。

騎電動車遊 西子灣旗津魚港

Day3.2 (29 March 2013) 離開墾丁, 返回高雄, 西子灣旗津魚港, 六合夜市

行程: 阿嬤古早味Lunch－西子灣旗津魚港－南華觀光購物街 (新興夜市)－六合夜市掃街

住宿: 高雄85大樓『85藍海』租屋主題套房

好正o既旅行車

太正的旅行車, 如果我能有一部就好了......

http://www.facebook.com/photo.php?v=111839932342503&set=vb.368280759930721&type=2&theater

德國的旅行車新車發佈  Doubleback VW T5 Camper
表面望落去好似一部普通o既貨車, 但內有乾坤!
只要按個制, 後面果層就會彈出, 變成一個睡房!
有客廳, 有洗手盤, 小廚房, 睡床, 麻雀雖小, 旅行車要有o既都有齊。
售價係: Under 55000英鎊, 都幾十萬~_~
都係發下夢好喇~

資料來自: German Style

高雄美味Lunch 阿嬤古早味

Day3.1 (29 March 2013) 離開墾丁, 返回高雄, 西子灣旗津魚港, 六合夜市

行程: 阿嬤古早味Lunch－西子灣旗津魚港－南華觀光購物街 (新興夜市)－六合夜市掃街

住宿: 高雄85大樓『85藍海』租屋主題套房


晨早就執包袱離開墾丁, 返回高雄。回程時Miki和達達去了郵局寄post card, 我們10:30出發, 約12:30就到了高雄85大樓。因為酒店要下午4時先可check-in, 所以先寄行李在lobby。

高雄美味Lunch  阿嬤古早味

擺低行李後, 我地首先去醫肚。高雄都冇咩好介紹, 我地周圍搜索, 看到合眼緣就食, 估唔到在一條毫不起眼的街道中, 俾我地搵到間好野!

阿嬤古早味, 位於高雄市苓雅區三多四路巷弄內。餐牌好多野揀, 我地點了一枱子食物一齊share。好多野都未食過但好有驚喜! 例如: 蛋黃伴麵、窩燒拉麵、麻醬伴麵、大陸妹。麻醬伴麵好香, 喜歡吃雞絲粉皮的朋友一定會愛上。蛋黃麵其實類似全旦伊麵, 配以肉燥乾伴的, 好好食。滷味不及尋日墾丁食的好味, 但也不太差。餃子配上秘製醬汁一齊食好好味。窩燒拉麵, 就是平時用來煎的麵餅。大陸妹原來即係生菜, 但係個汁秘製, 酸酸地好開胃。在咁多新鮮美食當前, 肉燥飯即被比下去, 冇人吼。

墾丁靚民宿 「埔頂641-3」 (六-八人海景庭園別墅)

其實墾丁有好多靚民宿, 難得可以夾埋6個人一齊放假, 所以打死都揀間可以俾6人入住的別墅!
墾丁好大, 主要的景區分為: 墾丁大街, 船帆石, 鵝鑾鼻, 南灣, 埔頂, 砂島, 恆春古鎮等, 最旺的就是墾丁大街, 熱鬧程度有如布吉的芭東, 但是民宿一般都冇咁靚。即使找到6人房, 也是6張床開放式設計, 好似7個小矮人咁。船帆石相對較近墾丁大街, 幾間出名嘅民宿如伯利恆也在那裡, 不過你唔好以為可以行路去墾丁大街, 地圖望落好近, 其實行起上嚟都要成粒鐘架!

做了一輪資料搜集後, 最後大家一致投票揀 「埔頂641-3海景庭園別墅」, 是私人經營的民宿, 其物業有6間, 全均是獨棟別墅, 由4人至10人不等。

渡假……是停留，不是奔波

我地最鍾意就係呢間別墅, 適合6-8人入住, 廣闊開揚的埔頂草原景致, 令人身心舒暢!

一家13年遊40國 4孩子不同國籍 ((轉載))

曾幾何時, 我有一個瘋狂的夢想: 「與A先生出走浪遊世界, 在世界各地停留, 直到想離開為止, 旅途中結婚生子, 子女一齊繼續旅程。這樣延續直到我們尋找到一個想永遠停留的地方為止。」

想不到...竟然有人實踐了我這個瘋狂的構思!
實在太Amazing了!!!!!!

一家13年遊40國　4孩子不同國籍

環遊世界要多久才夠？其實多久也不夠，42歲的扎普和妻兒一家六口，駕着一輛老爺車，暢遊世界13年，到過逾40個國家，走過32萬公里路。他說︰「我們的路程相當由地球往月球，我們打算繼續前行。」
扎普和妻子2000年起展開旅程，第一站由阿根廷前往美國阿拉斯加，歷遍五大洲，四名3歲至10的孩子都是在途上出生，個個國籍不同──美國、阿根廷、加拿大和澳洲，儼如小小聯合國。一家旅費全靠好心人幫助，多年來逾12,000人伸出援手。扎普說︰「我們曾寄住2,500個家庭，阿米什人、回教徒、有錢人、窮人都有。」他們都很感恩：「儘管人們外表不同、祈禱方式不同，我們都有相同的夢──有一個家，有人去愛，殊途同歸。(To have a home and someone to love. In the end we are all the same.)」
英國《每日郵報》 

資料來源︰蘋果日報2013年3月29日 

墾丁大街夜市 - 狂掃街頭小食

Day2.9 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街掃街

晏晝先食到好飽, 夜晚又進行另一輪「瘋狂掃食」, 昨天介紹完墾丁大街的餐廳, 今日介紹下「掃街美食」, 試食過的會有評分, 未食過的都會post張相出來, 等大家知道有甚麼美食可以專攻!

關山日落 恆春八景

Day2.8 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街掃街

關山日落

關山夕照乃恆春八景之一, 它又不是最西面, 不曉得為何看日落出名, 來到後就明白了。因為地勢最高, 所以視野無阻, 而且前面就是海平線, 構成一幅很美麗的畫面。建議早少少來霸定靚位, 因為每日都有許多遊客慕名來觀賞日落。

墾丁白砂灣 浪漫夕陽

Day2.7 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinnera

白砂灣

延綿500公呎長的雪白沙灘, 由於長期被海水侵蝕的海洋生物殼體形成貝殼沙灘, 沙粒晶瑩明亮, 踏上去就像用沙子舖成的地毯, 很軟綿舒服。最特別的是, 這裡的沙不黏腳, 輕輕一掃便走。我們在這裡逗留了20分鐘, 碰上夕陽美景, 令我們捨不得離開。這裡就是<<海角七號>>裡面, 阿嘉跟友子說:「你留下來, 不然我跟你走」經典對白的地方。最衰A先生唔係度, 不能跟他角色扮演XD

真人版「Mario Kart」賽車

Day2.6 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinner

炫風F1  Go Kart車

高卡車, 即係小型賽車, 係是日最期待的項目! 車種分3種, 有BB級及專業級之分, 我地當然玩BB級, NT$200/10分鐘, 老闆送多2分鐘俾我地。大家好似玩「Mario Kart」咁興奮, 穿好裝備後, 工作人員幫我們逐一拍照。當倒數3下後, 大家就在賽道上飛馳, 幻想自己是F1賽車手, 又或是Mario Kart的角色。當熟悉了賽道後, 大家都越來越快, 轉彎也不減速, 連女生也不甘視弱! 我嘛, 由開始至結束都落後, 安全第一。當時間尚餘最後數分鐘, 達達在過彎時為了爬Joanne頭一下攔腰撞向Joanne架車, 阿銘在後面看到, 形容當時情況就像真的Mario Kart一樣架車被撞至飛起一半, 然後失控撞向車輪。幸好人無事, 但已造成心理陰影, 後來幾分鐘Joanne都以慢速駕駛。

玩後感: 好好玩, 好刺激! 一大班friend一齊玩就最正!

恆春古鎮食食食 - 飽到想死美食團

Day2.5 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinner

恆春古鎮 (巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)

巷仔內十碗麵

恆春古鎮是電影＜海角七號＞拍攝的景點之一, 「阿嘉的家」就在這裡。我們一口氣品嚐了幾道美食, 先是巷仔內十碗麵, 每天限量賣秘製牛肉麵, 10:30賣至售完為止。店子隱藏於巷子內, 座位不多, 牛肉麵湯底清甜, 蕃茄酸酸地幾開胃, 牛肉很彈牙鬆化, 吃畢時牛肉麵剛好賣完, 我們真的很好彩! 最後6碗, 遲一步都食唔到! 另外我們還叫了一碟滷味, 樣樣都有d而且滷得好入味, 大家轉眼便搶光! 還有個檸檬水, 好清新, 值得一試。

船帆石

Day2.4 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinner

船帆石

船帆石, 我常常錯誤讀成「帆船石」, 因為其外貌似啟航的帆船而得名。但我卻認為似人頭多d! 看, 這個角度睇是不是有張臉背向我們45度角看海? 船帆石乃天然的海蝕現象, 它令我聯想起野柳地質公園的女王頭! 因我們已經好肚餓, 這是我們此行逗留最短時間的景點!

落車, 影相, 上車

砂島 看珍貴貝殼沙

Day2.3 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinner

砂島

砂島為國家公園法定的生態保護區, 那裡有個220呎長的貝殼沙灘, 是看貝殼沙的好地方。因貝殼沙極其珍貴, 所以嚴禁掏沙, 沙灘範圍也是禁止進入, 遺者被罰新台幣NT$3000。隔離有貝殼展示館, 可以近距離一睹貝殼沙的真身。

墾丁最南 鵝鑾鼻燈塔

Day2.2 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinner

鵝鑾鼻燈塔

鵝鑾鼻是昔日的「台灣八景」之一, 鵝鑾又名「南岬」, 是排灣族語, 意思即係帆船, 因為地形突出所以名為「鵝鑾鼻」。公園內有有嶙峋怪石、各種熱帶動植物, 珊瑚礁公園及鵝鑾鼻燈塔, 面積達59公頃。因綠草如茵, 是學校旅行、影婚紗相的熱門景點! 當日我們到達時, 就遇上一班又一班的學生, 一窩蜂的擁上, 好不容易才能拍一張好照片!

龍磐公園

Day2.1 (28 March 2013) 墾丁一天遊

行程: 龍磐公園－鵝鑾鼻燈塔－砂島－船帆石－恆春古鎮(巷仔內十碗麵/小杜包子/阿嘉的家/玉珍香洋蔥蛋捲/永馨/綠豆饌)－Go Kart車－白砂灣－關山日落－墾丁大街Dinner

龍磐公園

龍磐公園為瀕臨太平洋的廣闊草生地, 珊瑚礁石灰岩被水溶蝕而形成崩崖、滲穴、裂溝等地形景觀。龍磐公園視野開闊, 是墾丁國家公園內觀賞日出、晚霞及觀星的極佳地點。雖然我地3樣都唔係, 但係當日天清氣朗, 個景真係好靚!

曼波泰式餐廳 + 墾丁大街餐廳介紹

Day 1.5 (27 March 2013) 高雄去墾丁+半天遊

行程: 恆春古鎮Lunch－(九棚沙漠大腳車(吉普車飆沙)－滿州港口吊橋－風吹沙－墾丁大街 Dinner

曼波泰式餐廳

我們問租車的公司附近有甚麼好吃, 他介紹了3間餐廳俾我, 1) 旅南食海鮮 2)曼波泰國菜 3) 興南印尼菜(小巷內), 頭兩間都在墾丁大街, 最後一間在街尾小巷內, 最後我們選了曼波。

餐牌上的選擇唔多, 間餐廳又冇乜人, 以為冇咩料到。上桌的食物, 月亮蝦餅、泰式菠蘿炒飯、檸檬鱸魚、牛肉炒河、炒什菜等, 雖然味道唔算正宗, 帶點「台灣味」, 但大部份都幾好味。埋單NT$1400 (約港幣$378)。

墾丁自然奇觀 風吹沙

Day 1.4 (27 March 2013) 高雄去墾丁+半天遊

行程: 恆春古鎮Lunch－(九棚沙漠大腳車(吉普車飆沙)－滿州港口吊橋－風吹沙－墾丁大街 Dinner

墾丁自然奇觀  風吹沙

風吹沙是一個欣賞自然奇觀的景點, 每年9月至4月份, 墾丁吹起的落山風把東岸的沙礫吹上路面, 形成了「沙丘」景觀。不過當日去到看不見「沙丘」, 但景色很壯觀同埋真係好大風!