潮遊越南@Day4 【好味法包】part 4.3

Day4 (27 Dec 2010) part 4.3

行程: 好味蜆粉-->檳城市場-->好味法包-->戰爭博物館-->Le Bordeaux-->923公園

前日食左一個凍冰冰的法包後心有不甘, 誓要食到好味法包為止! 所以今日專程來到越南通介紹的好味法包試下

傳聞中好好味o既法包

冇地圖, 靠估的搜索, 原來我地兜左個大圈!!!

法包位置比想像中還要近酒店

見佢熟練地三兩下功夫, 就整好左我個法包

認住依個o麥頭! o黎到越南胡志明市玩, 記得試下喇!

我地買左法包不久, 店舖就關門了! 真係好好彩!
試下個味道先~ 咬落去...都係凍o既! 又話新鮮熱辣o既?
可能唔o岩時候啦...不過味道係挺好的, 而且包係幾脆口。
我能夠想像到當新鮮熱辣烘好o既時候會有幾好味!

原來在「好味法包」附近都有間中原咖啡
我地過對面馬路, 向中原咖啡左手方向行, 行前幾步, 就見到有間便利店。我地有個嗜好, 就係鍾意去世界各地o既便利店度參觀, 睇下有咩新奇產品!

越南的新奇產品都幾多, 好多香港都未見過! 燕窩水﹑榴槤汁﹑柑桔汁﹑華梅汁......仲有好多我估都估唔到係咩o既汁, 可謂大開眼界!

燕窩粒幾多, 不過全部都好碎, 冰糖水的味道不太討好

牛奶咖啡是我的首選

這些奇異飲料, 價錢唔貴, 有興趣到越南遊玩o既時候可以一試!


下一篇
潮遊越南@Day4 【戰爭博物館】part 4.4