Day5 (2009-9-22)
本來諗住最後一日早ｄ起身行沙灘，但係今朝個鬧鐘冇響到>_<
因為鬧鐘冇電...又會咁黑仔！
好彩我地識得8點半起身，如果再遲ｄ就要留在宿霧架哪．．．
本來諗住食唔切早餐，因為原本plan左9點鐘搭的士走。
不過好彩個司機好人，肯等我地，老闆娘又好人，立即命人煮早餐俾我地食。
臨別前可以食到一個咁好味o既早餐，實在好感動呢．．．T^T
韓國小白屋(Charlotte Resort) 的早餐非常好味！尤其個芒果，勁甜！
一起身就見到一堆狗狗BB，佢地超得意^^
因為這是一間潛水Resort，所以掛滿了救生衣和潛水衣
老闆娘出來同佢地玩
究竟佢地玩緊咩呢？
其中一隻狗狗探頭回望我們，超可愛呢>v<
我地開餐之後，狗狗都一齊開餐。
她是狗BB的媽媽, 狗BB媽媽要餵奶, 所以食先~~
媽媽食完, 就到啡狗食
佢地好自律，好乖～
佢好乖架, 每次回來都會歡迎我們
可能佢知道我地要走，所以唔捨得，伴隨左右歡送我地
我們以「極速」食完個早餐之後，就坐上Resort為我們call的van仔離開了。
由Alona beach去碼頭車費要500PHP，其實都幾貴！不過因為我地太趕，所以貴都要俾。部車開得好快，9點9就到達碼頭了。
去到碼頭，仲有一大堆野要做！首先係換番張船飛同埋劃位。
然後就要去隔離俾Terminal Fee，每位11.25php，人人都要俾架。
請自備散錢，因為不設找續的！
俾完Terminal Fee，就可以入閘了
在碼頭兩旁，有幾隻蜘蛛船，上面有老有嫩。只見他們不停跟遊客指手劃腳，口up up唔知講咩．．．
唔知係咪向遊客討金錢呢？
1hr45min的船程過去，我們一下船便坐的士前往SM mall，依個時間都幾難截，等了10min才有車。到達SM mall，第一時間寄存行李，我們已經熟晒架部。寄完行李就飛奔往超市掃貨！！！！！
SM mall的超市好大．．．條走廊勁闊！唔知係咪外國的超市都係咁o既呢？還是香港果ｄ特別細．．．？=.=
(據說7D牌是最好吃的)除了芒果乾必掃之外，薯片都值得掃！因為這裡的薯片非常便宜，幾蚊就有一大包～不過好唔好食就要自己碰運氣了．．．我買過幾包，不過有部份味道麻麻地。有一包魷魚片是推薦之選，不過可惜我沒有拍照．．．大概6Xphp一包左右，好大包，包裝主要是藍色，上面有中文字寫住「魷魚」的，雖然份量好少，而且是獨立包裝，有點呃錢之嫌．．．但係真係好好味！如果早知咁好食，一定掃多ｄ返香港。
這裡還能發掘到一些新奇的產品。
這個sinigang就是菲律賓人好常飲o既湯。酸酸甜甜咁，有ｄ海鮮味。我地依幾日都有飲過依種湯。
罐頭海鮮o黎講，依個價錢真係好平！
有青口﹑帶子﹑生蠔，個樣好似好好味咁！
買完野，仲剩番好多錢，
今個旅程預算多左，洗剩左300幾蚊，可以留番下次再用^^
商場有地產商擺售樓Booth，我八卦想知道賣幾多錢:p
最細的單位，獨立屋兩房一廳連花園車位，售價是30萬港幣
如果香港都可以用依個價錢買到就好了．．．
在香港，30萬根本咩屋都買唔到~_~
買完手信，時間唔係好多，所以我們去了food court食lunch
菲律賓媽媽麵，兩碗102php，鮮搾果汁，兩杯150php
果汁竟然貴過碗麵:p
食完，拎返行李就搭的士去機場。
去到機場有機會會合番Ｙ小姐同埋Ｅ先生，一見面大家就滔滔不絕地分享這幾天的所見所聞。最有趣的是：因為Ｅ先生膚色好黑的，而Ｙ小姐的膚色好白，當地人常常誤會他們是「菲律賓＋日本」配搭的情侶，哈哈．．．．．．笑死我地。
這張相就是Ｙ小姐跟Ｅ先生幫我們影的了～
可以這樣上機冇乜幾可，梗係要影多幾張啦
在天空俯瞰宿霧市
在飛機上看日落，別有一番味道
依張相我好鍾意，好靚
過了一會．．．無啦啦清澈的天空中出現一舊黑雲，初時唔為意，但係見佢每隔十秒就閃一次，先知原來是「閃電雲」！還是第一次咁近看到這個天然景象！
可憎我部相機太「傻瓜」，快門不夠快，點影都係一pat黑影！
Ｅ先生的相機「卡刷」左幾下，雖然都拍不到一條閃電，但係已經好靚~~
這是他們相機拍下的
上一次看到海海市蜃樓，今次看到閃電雲，飛機上真係好多野睇~
入黑了
晚餐我們Order了杯麵和朱古力，杯朱古力好濃好好飲，個麵就．．．．．．
菲律賓的即食麵都是普遍難食的，我買了幾個即食麵返香港都中晒招！
旅途結束，下次再玩過！
回到Day 1
