《15分鐘法語》是學習法語日常用語的入門書，由萬里機構出版。
三年前曾經買過依本書，覺得好好，但係因為唔見左，所以最近再買返。十二個單元涉及日常生活的各方面，內容實用，由淺入深，主要學習簡單會話，而且非常生活化，例如認識新朋友﹑去咖啡館﹑去超市買野等！每天學十五分鐘，輕鬆有趣，每單元的複習課及時跟進鞏固本周所學，使讀者能通過短短十二周的學習，就能掌握基本的日常法語，消除在法國旅遊辦公的語言障礙。每個句子同生字都附有英文拼音，雖然只是近似音，未必百分百準確，不過用得耐左，習慣佢個模式，對於自學發音都有d幫助。
隨書仲附有MP3光碟，法語對白全是由法國人親自錄音，會配合旁白引導教學，返工放工搭車o既時候聽，就算唔睇書都可以學習到，認真方便～唯一美中不足是萬里機構是台灣出版社，所以MP3旁白是國語，暫時仲未有粵語版。
本書特色
1.每天15分鐘，簡單輕鬆
2.內容實用，解決日常生活中的交流問題
3.豐富的相關生活場景和實物圖片
4.相關的語言會話貼士和文化背景貼士
我覺得這作為入門級的輔助書是不錯的，不過真係好基本，只能應付簡單的情景對應，用作法國旅遊應該很有用。唔好以為讀晒成本書就識法文，因為法文係一種幾複雜o既語言。如果要睇得明法文書﹑法文電影﹑可以和法國人傾計，還是要由基本功學起打好根底，再深入鑽研，始終學語言是沒有捷徑的。
沒有留言:
張貼留言