佐敦AF法文好老師王鍇

上星期上法文 level 2 第二堂，王鍇老師返o黎教返～
初時見佢個樣嚴嚴肅肅咁，後尾開始教書，發現原來佢幾nice
佢真係寫好多notes，我地不停抄抄抄，好多野抄，但係又唔會亂～
不過佢真係教得唔錯！好有系統，同埋佢對法國o既文化歷史都幾熟悉，跟佢真係學到好多野！
例如arrondissement，齋按字面解係：自治區﹑郡﹑區
但係原來此「區」不同香港的「區」
依度o既arrondissement分區方法係由內至外打圈，蚊香分區法
越接近圓心，區號越細

外國好多大城市，都係以依個方式去分區的
通常華人區號碼係13，因為對於外國人o黎講，13依個字有不祥的意思，
中國人話，你唔要，我地要。所以好多時華人區都係13就係咁解～

上左個半鐘，已經學左好多野，同 madame chan 差天共地！
上堂 madame chan 代課，上左3個鐘，都好似教左好少野咁～
有同學仔話，上個學期 madame chan ，上左3個月都唔知做緊乜！
因為 madame chan 上堂成日講法文，好少講廣東話
其實咁樣有好有唔好啦，對於初學者可能唔太適合o既
真係要讚多次王鍇依個阿sir，真係教得唔錯！上堂好多野學好充實～
好期待下一堂～